المساعد الشخصي الرقمي

مشاهدة النسخة كاملة : قصيده (عرس الدجيل) لشاعر اهل البيت هادي الخيكاني



كريم السلطاني
06-27-2011, 08:57 PM
قصيده (عرس الدجيل)
لشاعر اهل البيت
هادي الخيكاني
2011-06-25
عريس الدجيل بيا قوافي ارثيك
شكتبلك شعر شنهي القصيده
اكتبلك مبارك عرس الراح
لواكتب عروستكم شهيده
راح اكتب وداعا يالزوافيف
يالسبعين ردتكم بعيدة
لسان الحال جن امك يعريس
تحاجي وليده الكصو وريدة
هذا الشمر بالتاجي ليكيناه
وصارت كربلا التاجي جديدة

عروس ومن فعلهم صاحت الغوث
من اهل الغدر و اهل المكيدة
يداحي الباب مارحت الهم اشلون
وفراس المجرم اتشل بيدك ايده
ماعدهم ذنب ذوله الزوافيف
ذنبهم لأن والوك الصميدة
بغضا ياعلي سوهه يردون
من الوالاك تهتز العقيدة
مثل اولاد مسلم ذبوا اطفال
بدجلة وذبهم الحارث حفيدة
ويمي دجلة انخبط دم المعرسين
بس دجلة اطلعت دجلة عنيدة
ماصاحت تعالوا يهل بغداد
وتشوف اعيونكم زفة وحيدة
ماصارت كبل وبهل الديانات
يهود وصابئة وسيخ ويزيده
مثل مصابهم ماصاير مصاب
ومصايب شفت بالدنية عديدة
يالمعرسين لومرت زوافيف
واشوف اعيون المعرس سعيدة
ابجي على عرسكم يالمساكين
وادري اني البجي الرايح شيفيدة
قررنا الحكم لازم بالاعدام
وامام انظار هالعالم نريدة
خل يحضر حكمهم كل الاعلام
وخل تكتب عليهم كل جريدة
ذولة بلا نقاش اهل الوجوه السود
مأواهم صقر ذوله لكيدة