سالم الهزاع
10-18-2011, 01:43 PM
موال زنجيل الى صديقي الذي ابى الا ان يخون الصداقه
نشده انشدك افتني عن غادرات وشت
هم يوم بي شفتهن عاشن بصيف وشت
لو عين عن اختها وبكل وكاحه وشت
ولو جاوبت ماحصل هم عندي نشده بعد
هم انت شايف كلب عن جسمه راح وبعد
لو هم شفتلك عمر ساعاته تكضي بعد
ولو جاوبت بالنفي ارد انشدك عناي
شنهو سبب ما جرى وتحجي بوكح عناي
ومن كلك انه صلف ما تنكسر عناي
وتدري البو سلطان ما كطعوا لطيب وصل
واحدهم لصاحبه ضرغام يوكف وصل
ولو صابته نايبه اول الوادم وصل
التاريخ وبكل فخر سجلها النه وقر
ناس جثيره اشهدت هاي الخصال وقر
ولتصير شبه الذي مليانه اذانه وقر
لا عرف معنى الحمد لا عرف معنى الضحى
اشما اوضح بحجيي الك اتكول الي وضحى
بالليل نحجي اشكثر تنساه لو جه الضحى
ليش اليجيك بمحبه اتكله ول لاهله
تاليهه وحدك تضل لامن ربع لاهله
وتصير طاك الرحه ما يلكه ابد لاهله
يفتر يضل بوش بس يطحن بروحه هوا
وشيحصل الي كضه كل عمره يطحن هوا
والعينه ليفوك لحظه ولن تحسه هوا
بس انت ما تتعض وتصير الك عبره
من يوم ردت اتغرك وانه الكلت عبره
جان البلم ما رسه لو ما اله عبره
عبرات صرت انه الك تسحك عليه تمر
انطيك طيب العسل وانت بلهاتي تمر
امنتك ارويحتي تنهى عليهه وتمر
تالي يناكر جميلي اتكول عني عبد
وك انه ابن شيخ بس لله اصيرن عبد
من طيبتي وشيمتي بدرب الاخوه عبد
اي واللي بيده الملك حطه بصدر مصطفى
صل انه لصويحبي مهما العدى مصطفى
كلها اتعرفني منو يدرون ابن مصطفى
دور الفيافي بعكل ما تلكه بيهن فلا
مثلي سند صاحبه صدكني ابدا فلا
شوف اشكثر سامحت اعكسها جلمة فلا
غلطات من صحبتي وهوايه بيه تعل
كلب الهوى شوفتك مالك بكلبي تعل
وهوه الكضالك عمر يصرخ يصاحب تعل
رادك بوسطه تضل بين البطين واذن
وبهاذا ترخيص هوه انطاك بيدك واذن
جي ما صنت خوته راح احكم انه اذن
عن ما ضيات الزمن يوم جنت حله لك
جنت انه كل ديرتك وانه الجنت حله لك
شلبسك ثوب الغدر ياهو الذي حله لك
وانت الجنت بالوفه سيف ومضيف وراح
شو هسه لمن صرت تبخل بكاس الراح
من دهشتي لهالعمل اصفك الراح براح
حد ما ذبحني القهر واللون مني صفر
وريح الفراك اعترف والله بذني صفر
عديتك ويالربع يطلعلي عدك صفر
وانه الجنت من اعد عدك يوصل الف
وبشرك خوتي جنت اغزل بديه والف
وجنت احسبك والنبي للروح احسن ولف
ثاريها خوتك جذب جابتلي الف عله
ابكه انه صاحب فضل اعليك الفضل عله
امسحلك اشجم غلط جم سايه جم عله
واتحمليت السده والصار اليه وجره
وجانوني ابد ما طفه ناره مسعره وجره
وبحر الفراك الطفح ظيمه غطاني وجره
وعكبك فلا بالربع واحد يمد جفه
وتدريهه وكتي جبح لدلالي اهو جفه
ببحر الحزن من فجت رايد اصل جفه
بس ما وصلت الجرف جف صاحبي مايه
اجروح حط بالكلب لاعشره لامايه
وجانون كلبي الدوه يرجاك يامايه
ومايك لعد ما وصل لنه لهيب ويمر
زيد علي لوعتي لمن بكلبي يمر
عكلي الحكم هالحكم وهوه الي يطلب يمر
ويكلي كف مو وصل حد بابك ودكه
كثره انت اله سامحت دكه باثر دكه
ولوركب درب العوج مسموح الك دكه
وما يسمع انذال يوم ما بذانه وشت
اخوكم عماد السلطاني
نشده انشدك افتني عن غادرات وشت
هم يوم بي شفتهن عاشن بصيف وشت
لو عين عن اختها وبكل وكاحه وشت
ولو جاوبت ماحصل هم عندي نشده بعد
هم انت شايف كلب عن جسمه راح وبعد
لو هم شفتلك عمر ساعاته تكضي بعد
ولو جاوبت بالنفي ارد انشدك عناي
شنهو سبب ما جرى وتحجي بوكح عناي
ومن كلك انه صلف ما تنكسر عناي
وتدري البو سلطان ما كطعوا لطيب وصل
واحدهم لصاحبه ضرغام يوكف وصل
ولو صابته نايبه اول الوادم وصل
التاريخ وبكل فخر سجلها النه وقر
ناس جثيره اشهدت هاي الخصال وقر
ولتصير شبه الذي مليانه اذانه وقر
لا عرف معنى الحمد لا عرف معنى الضحى
اشما اوضح بحجيي الك اتكول الي وضحى
بالليل نحجي اشكثر تنساه لو جه الضحى
ليش اليجيك بمحبه اتكله ول لاهله
تاليهه وحدك تضل لامن ربع لاهله
وتصير طاك الرحه ما يلكه ابد لاهله
يفتر يضل بوش بس يطحن بروحه هوا
وشيحصل الي كضه كل عمره يطحن هوا
والعينه ليفوك لحظه ولن تحسه هوا
بس انت ما تتعض وتصير الك عبره
من يوم ردت اتغرك وانه الكلت عبره
جان البلم ما رسه لو ما اله عبره
عبرات صرت انه الك تسحك عليه تمر
انطيك طيب العسل وانت بلهاتي تمر
امنتك ارويحتي تنهى عليهه وتمر
تالي يناكر جميلي اتكول عني عبد
وك انه ابن شيخ بس لله اصيرن عبد
من طيبتي وشيمتي بدرب الاخوه عبد
اي واللي بيده الملك حطه بصدر مصطفى
صل انه لصويحبي مهما العدى مصطفى
كلها اتعرفني منو يدرون ابن مصطفى
دور الفيافي بعكل ما تلكه بيهن فلا
مثلي سند صاحبه صدكني ابدا فلا
شوف اشكثر سامحت اعكسها جلمة فلا
غلطات من صحبتي وهوايه بيه تعل
كلب الهوى شوفتك مالك بكلبي تعل
وهوه الكضالك عمر يصرخ يصاحب تعل
رادك بوسطه تضل بين البطين واذن
وبهاذا ترخيص هوه انطاك بيدك واذن
جي ما صنت خوته راح احكم انه اذن
عن ما ضيات الزمن يوم جنت حله لك
جنت انه كل ديرتك وانه الجنت حله لك
شلبسك ثوب الغدر ياهو الذي حله لك
وانت الجنت بالوفه سيف ومضيف وراح
شو هسه لمن صرت تبخل بكاس الراح
من دهشتي لهالعمل اصفك الراح براح
حد ما ذبحني القهر واللون مني صفر
وريح الفراك اعترف والله بذني صفر
عديتك ويالربع يطلعلي عدك صفر
وانه الجنت من اعد عدك يوصل الف
وبشرك خوتي جنت اغزل بديه والف
وجنت احسبك والنبي للروح احسن ولف
ثاريها خوتك جذب جابتلي الف عله
ابكه انه صاحب فضل اعليك الفضل عله
امسحلك اشجم غلط جم سايه جم عله
واتحمليت السده والصار اليه وجره
وجانوني ابد ما طفه ناره مسعره وجره
وبحر الفراك الطفح ظيمه غطاني وجره
وعكبك فلا بالربع واحد يمد جفه
وتدريهه وكتي جبح لدلالي اهو جفه
ببحر الحزن من فجت رايد اصل جفه
بس ما وصلت الجرف جف صاحبي مايه
اجروح حط بالكلب لاعشره لامايه
وجانون كلبي الدوه يرجاك يامايه
ومايك لعد ما وصل لنه لهيب ويمر
زيد علي لوعتي لمن بكلبي يمر
عكلي الحكم هالحكم وهوه الي يطلب يمر
ويكلي كف مو وصل حد بابك ودكه
كثره انت اله سامحت دكه باثر دكه
ولوركب درب العوج مسموح الك دكه
وما يسمع انذال يوم ما بذانه وشت
اخوكم عماد السلطاني