عشكتك حلم للشاعر عريان السيد خلف

[المحامي سيف ال سدخان]

الموضوع منسوخ من منتديات حبيبي يا عراق [شعر شعبي] (عشكتك حلم) للشاعر عريان سيد خلف
(عشكتك حلم)
للشاعر
عريان السيد خلف
عِــشكـَـْــتك حلم
بالوحشة البعيده اتسامر اجفوني
وعِــشكـَـتكَ
من ونيــن النايحـه الحره
التلم مجرى الدمـع
من عينها اعيوني
وعرفتك تستحي من العايزه الجبحه
وتـِفل فل الظفاير سفة اضنوني
وتوسمتك .. نِكـش بجفوف بدويه
وذهب ليره .. وشهامه .. اتوج شمس لوني
وتِـعودتك
حليب الوالده الطيبه
وصبرها .. وشيبها
اليتعب على امتونــي
ونذرتك وجه للنجمه الجديده
ونايل وغايه
سمارك عزّتي .. وعشاكـَك اهوايه
عشير الكل عشير ايصونك ابروحه
وبري من كل وجه لو ما حفظ مايه
اشـمّك بالجفوف الطاهره الخشنه
واشوفك بالوفي الكِصٌته امندّايه
وأبورح
لو هبوبك يلتكَـي اّبارح
واخضّر بالعطش من هيبتك دايه
انه ابغيرك كـَمر ما شافته اولايه
انه ابغيرك قلب نِـــيٌته امغـَطـّـايه
ويظل طرواك
نسمة بر.. لايرخص شرفهه
ولاهي تتعـثــّر
يمن طرواك .. خاوه الجدم والمعبر
يمن طرواك.. خاوه الجرح والخنجر
تعودتك
شهامه وخوف ومكابر
وتعـّودتك
محــّبه وليل ومسامر
وتعـّودتك .. خليل وخل
حبيب وكل حبيبه اتبيع طاريها
و ِنــِــتْ
ما بِعِـتْ طاري الراح والمجبل
يمنجل مايلف الردي من االسنبل
يذل وجـــــــه اليضدّك
ونته ابد ما تنذل ,

[سالم الهزاع]

تعيش ابو مخلد قصيدة رائعة تقبل مروري المتواضع اخي ابو مخلد

[الشاعر عماد السلطاني]

الاستاذ المتالق سيف ال سدخان
جل الاحترام ووافر التقدير
شكرا لحسن الاختيار
شكرا لهذه الجهود المبذوله
لاتاحة الفرصه لنا لنتعرف
الى جماليه الشعر وهذا ان دل
على شيء فانما يدل على ذوقك الجميل
لك كل الشكر لكل حرف نورتنا به
لك حبي وتقديري









الشاعر
عماد السلطاني