الشاعر عماد السلطاني
02-03-2012, 11:03 AM
احبتي اولاد العم اكمل لكم ما بدأته لمعرفة قصة قصيدتي الاتيه
المهم الامر الذي جعل على النداوي رئيس الجمعيه يدعي بان القصيده ليست لي وانها لشاعر ثاني فقلت لاما نع عندي من مقابله الشاعر لمعرفة الحقيقه وكشف الكذاب فقال انا بعد غد اتي بالشاعر الى الجمعيه وجاء برجل عمره يتجاوز الخامسه والاربعين وبدا الحديث فقال على النداوي انت كتبت هاي القصيده قال نعم انا كاتبها فطلب منه الشاعر الكبير الاستاذ كريم النور ان يقرأ القصيده فقراها بالورقه وكل قراته خطا حتى باللفظ فقال له الشيخ كريم النور هذا عذر غير مقبول فاجاب لاني تعبانفساله الشاعر الكبير الحاج رشاد بقلي رحمه الله طيب اريد اعرف شنو الكحيله السبوك التسبك الحافر وياليتكمم سمعتم الجواب اولاد العم اقسم بربي لقتلتوه فورا المهم اجاب لما نتسابق بالشعر فقال المرحوم اريد اعرف الكحيله السبوك قال يعني اي بنت محكله نكت عليها قصيده مما اغاظ الشاعر كريم النور والمرحوم الحاج رشاد فصاحوا انت كذاب وانسان غير صادق قال عمي اني ما عليه انطاني على النداوي خمسه دنانير وقال بس اتقول الي وتروح اني ما اعرف بالشعر فقال على النداوي هذا كذاب فقلت له بعد ان طفح الكيل والله لايوجد كذاب ابن كذاب غيرك بالمجتمع ككل وكانت جنبي منفظه للجكاير رميته بيها وتركت الجمعيه وطلعت ويوم ثاني اجوا الامن للبيت اخذوني بحجة التهجم على رفيق حزبي وبقيت 15 يوم في امن الحله وبعد تحركاتت للوالد اطال الله عمره ورحم الله الشيخ ظافر الملوح ورحم الله شيخ البو طيف خليف العبد علي وخالي الشيخ فواز المطلك الظاهر الذين سعوا كثيرا وتوسطوا لاخراجي فكتبت قصيدتي هذه معنونه الى جمعيه شعراء بابل متمثله بشخص الشاعر علي النداوي
***************
المقدمه
شكد انه بارد كلـــب بس هــــم طلع حرمنه
حجايات منكــم اجــت لعتابكـــم حرمنـــه
واحد ضعيف النفـس مــن شوفكـــم حرمنـــه
هو سبب ماجــره سوه عليي سالفــــه
مو هسه يا صحبتي ماضي الحجي وسالفه
راح اطوي كل الجره وبمغزلي سالفــه
واسمي اني ابو غيث هم كولوا عليه حرمنه
القصيده
تعنيتك مضيف مشرع البيبان عجب حد ما وصلت وغلك بيبانه
وتعنيتك امام ايوذن بزوار يوم الجيت زاير يكطع اوذانه
وتعنيتك رضيه ايريد يربه وياك مو باول رضعته وتكص ثديانه
وتعنيتك مضيف البي شعر واشعار مو سفاح بيده اليذبح اخوانه
حسبتك اخو وتنراد للكلفات اثاري الغلط بيه وروحي وهمانه
انتم مدرسه والجايكم تلميذ بعده بدرس الاول كصوا السانه
معقوله البناله ابيت يسكن بيه هو ايكوم بيده ايهدم بنيانه
ومعقوله الذبيحه اتناحي الكصاب وهيه اتموت كون ايبسف اردانه
ومعقوله السمج يتغنى بالصحراء وايصير الجمل سابوح نهرانه
ومعقوله الامانه تنسب للذيب وهو الغدر طبعه وهذا ديدانه
ومعقوله الصكر يترجه بالصياد ينصبله الشبج ويعلمه بمجانه
ومعقوله اليهودي ايحب لطم عاشور والصبي يخوتي ايعلم اديانه
سلطاني مضيفي الدلته عطت هيل موشانه مضيفي الكسر فنجانه
واضل خيال وخيولي جثيره سبوك ما تعرف تهود ودوم طفحانه
وبعد تحتي الاصيل الماقبل ترويض ليهسه يربي لازم عنانه
وبعد بيدي الحسام الباشط الحدين ابد ماذلنه يوم ولاتنخانه
وبعد بيدي الرديني المايعرف الخوف بس يعرف فعلنه وكل سجايانه
وبعد عندي القلم من يكتب بترتيب مو كل ساعه جلمه وكثر نسيانه
واليريد النزال ويدري خيله سبوك مو عذره يكول الخيل تعبانه
واليدش البحر وايكول انه السابوح عار اعليه ايضل يفتر بريكانه
واليريد الذهب وايدور الالماز ليخم بنزيزه وكاع خربانه
سلطاني فخر لوكلت ابن سباع غصب عالكل تذل وتصل حذيانه
واليلاوي الزلم وايكول اليه الزود كبل لايمد جفه ايقيس ذرعانه
مهي دنيه تجيب الشيخ الك داكوك والداكوك صارت فرشته اليانه
وصار الذيب ياكل بالنخل مكتوم والراعي يربعي الفرس خرفانه
والكمكم العاشر موكد الديوان ينكر موكده ويكفر بديوانه
والهدهد نكتله بحجة العشاك وعدنه العذر نلكه بعظمته ادوانه
والعصفور ياكل صار بالغزلان وعلف السبع صاير دكه ودنانه
والمسجد يطرد كام اليصلون وما يعترف كام بدين وديانه
هج حتى المضيف الضيف الطيبين وحجته موكده يعميه دخانه
وابن شداد اسود كلكم اتعرفون بس اصبح يخوتي فارس زمانه
واذا انتوا الغلكتوا اعليه كل الابواب يم رب الجلاله بوسطة جنانه
بيوم الحشر تلكوني اعاتب غاد شاعر شعبي يقره بروح حزنانه
جي بالدنيا فارك للكلب خلان وامنيته يلاكي هناك خلانه
وهاي اخر قصيده البيها اودع ناس جانوا تاج فوك الراس وهنانا (اشاره للهامه)
وانطيكم هويتي وما اضن مندوم كبل حسان هم جازاه بكانه
كبل حسان هم جازاه بكانه
*************
قرات القصيده بالمركز العام بغداد واشادبالبو سلطان وبالقصيده الشعراء الشاعر الكبير كاظم اسماعيل الكاطع رئيس جمعيه الشعراء المركز العام والشاعر عريان السيد خلف والشاعر محمد المحاويلي والمرحوم رحيم المالكي والشاعر محمد رحيمه الطائي عباس جيجان حيث قالوا بيخسه النداوي بيوصل لاصاله البو سلطان وهذا ما جعلني ارمي هويتي امامهم وحين ارد الخروج مسكني الشعراء واوعدوني بان تجرى انتخابات في بابل وجرت الانتخابات وخرج منها على النداوي ليفوز الشاعر عدنان حافظ العبيدي بالرئاسه ليتنازل مره اخرى للشاعر على النداوي وانشاء الله بالجزء الثالث انشر القصه مع قصيدتي الهجائيه للشاعر عدنان الحافظ ارجو ان تروق لكم اولاد العم ولاني اجد بها فخرا لعشيرتي نشرتها لكم حبي وتقديري سلفا لمروركم الرائع
تلميذكم
عماد السلطاني
المهم الامر الذي جعل على النداوي رئيس الجمعيه يدعي بان القصيده ليست لي وانها لشاعر ثاني فقلت لاما نع عندي من مقابله الشاعر لمعرفة الحقيقه وكشف الكذاب فقال انا بعد غد اتي بالشاعر الى الجمعيه وجاء برجل عمره يتجاوز الخامسه والاربعين وبدا الحديث فقال على النداوي انت كتبت هاي القصيده قال نعم انا كاتبها فطلب منه الشاعر الكبير الاستاذ كريم النور ان يقرأ القصيده فقراها بالورقه وكل قراته خطا حتى باللفظ فقال له الشيخ كريم النور هذا عذر غير مقبول فاجاب لاني تعبانفساله الشاعر الكبير الحاج رشاد بقلي رحمه الله طيب اريد اعرف شنو الكحيله السبوك التسبك الحافر وياليتكمم سمعتم الجواب اولاد العم اقسم بربي لقتلتوه فورا المهم اجاب لما نتسابق بالشعر فقال المرحوم اريد اعرف الكحيله السبوك قال يعني اي بنت محكله نكت عليها قصيده مما اغاظ الشاعر كريم النور والمرحوم الحاج رشاد فصاحوا انت كذاب وانسان غير صادق قال عمي اني ما عليه انطاني على النداوي خمسه دنانير وقال بس اتقول الي وتروح اني ما اعرف بالشعر فقال على النداوي هذا كذاب فقلت له بعد ان طفح الكيل والله لايوجد كذاب ابن كذاب غيرك بالمجتمع ككل وكانت جنبي منفظه للجكاير رميته بيها وتركت الجمعيه وطلعت ويوم ثاني اجوا الامن للبيت اخذوني بحجة التهجم على رفيق حزبي وبقيت 15 يوم في امن الحله وبعد تحركاتت للوالد اطال الله عمره ورحم الله الشيخ ظافر الملوح ورحم الله شيخ البو طيف خليف العبد علي وخالي الشيخ فواز المطلك الظاهر الذين سعوا كثيرا وتوسطوا لاخراجي فكتبت قصيدتي هذه معنونه الى جمعيه شعراء بابل متمثله بشخص الشاعر علي النداوي
***************
المقدمه
شكد انه بارد كلـــب بس هــــم طلع حرمنه
حجايات منكــم اجــت لعتابكـــم حرمنـــه
واحد ضعيف النفـس مــن شوفكـــم حرمنـــه
هو سبب ماجــره سوه عليي سالفــــه
مو هسه يا صحبتي ماضي الحجي وسالفه
راح اطوي كل الجره وبمغزلي سالفــه
واسمي اني ابو غيث هم كولوا عليه حرمنه
القصيده
تعنيتك مضيف مشرع البيبان عجب حد ما وصلت وغلك بيبانه
وتعنيتك امام ايوذن بزوار يوم الجيت زاير يكطع اوذانه
وتعنيتك رضيه ايريد يربه وياك مو باول رضعته وتكص ثديانه
وتعنيتك مضيف البي شعر واشعار مو سفاح بيده اليذبح اخوانه
حسبتك اخو وتنراد للكلفات اثاري الغلط بيه وروحي وهمانه
انتم مدرسه والجايكم تلميذ بعده بدرس الاول كصوا السانه
معقوله البناله ابيت يسكن بيه هو ايكوم بيده ايهدم بنيانه
ومعقوله الذبيحه اتناحي الكصاب وهيه اتموت كون ايبسف اردانه
ومعقوله السمج يتغنى بالصحراء وايصير الجمل سابوح نهرانه
ومعقوله الامانه تنسب للذيب وهو الغدر طبعه وهذا ديدانه
ومعقوله الصكر يترجه بالصياد ينصبله الشبج ويعلمه بمجانه
ومعقوله اليهودي ايحب لطم عاشور والصبي يخوتي ايعلم اديانه
سلطاني مضيفي الدلته عطت هيل موشانه مضيفي الكسر فنجانه
واضل خيال وخيولي جثيره سبوك ما تعرف تهود ودوم طفحانه
وبعد تحتي الاصيل الماقبل ترويض ليهسه يربي لازم عنانه
وبعد بيدي الحسام الباشط الحدين ابد ماذلنه يوم ولاتنخانه
وبعد بيدي الرديني المايعرف الخوف بس يعرف فعلنه وكل سجايانه
وبعد عندي القلم من يكتب بترتيب مو كل ساعه جلمه وكثر نسيانه
واليريد النزال ويدري خيله سبوك مو عذره يكول الخيل تعبانه
واليدش البحر وايكول انه السابوح عار اعليه ايضل يفتر بريكانه
واليريد الذهب وايدور الالماز ليخم بنزيزه وكاع خربانه
سلطاني فخر لوكلت ابن سباع غصب عالكل تذل وتصل حذيانه
واليلاوي الزلم وايكول اليه الزود كبل لايمد جفه ايقيس ذرعانه
مهي دنيه تجيب الشيخ الك داكوك والداكوك صارت فرشته اليانه
وصار الذيب ياكل بالنخل مكتوم والراعي يربعي الفرس خرفانه
والكمكم العاشر موكد الديوان ينكر موكده ويكفر بديوانه
والهدهد نكتله بحجة العشاك وعدنه العذر نلكه بعظمته ادوانه
والعصفور ياكل صار بالغزلان وعلف السبع صاير دكه ودنانه
والمسجد يطرد كام اليصلون وما يعترف كام بدين وديانه
هج حتى المضيف الضيف الطيبين وحجته موكده يعميه دخانه
وابن شداد اسود كلكم اتعرفون بس اصبح يخوتي فارس زمانه
واذا انتوا الغلكتوا اعليه كل الابواب يم رب الجلاله بوسطة جنانه
بيوم الحشر تلكوني اعاتب غاد شاعر شعبي يقره بروح حزنانه
جي بالدنيا فارك للكلب خلان وامنيته يلاكي هناك خلانه
وهاي اخر قصيده البيها اودع ناس جانوا تاج فوك الراس وهنانا (اشاره للهامه)
وانطيكم هويتي وما اضن مندوم كبل حسان هم جازاه بكانه
كبل حسان هم جازاه بكانه
*************
قرات القصيده بالمركز العام بغداد واشادبالبو سلطان وبالقصيده الشعراء الشاعر الكبير كاظم اسماعيل الكاطع رئيس جمعيه الشعراء المركز العام والشاعر عريان السيد خلف والشاعر محمد المحاويلي والمرحوم رحيم المالكي والشاعر محمد رحيمه الطائي عباس جيجان حيث قالوا بيخسه النداوي بيوصل لاصاله البو سلطان وهذا ما جعلني ارمي هويتي امامهم وحين ارد الخروج مسكني الشعراء واوعدوني بان تجرى انتخابات في بابل وجرت الانتخابات وخرج منها على النداوي ليفوز الشاعر عدنان حافظ العبيدي بالرئاسه ليتنازل مره اخرى للشاعر على النداوي وانشاء الله بالجزء الثالث انشر القصه مع قصيدتي الهجائيه للشاعر عدنان الحافظ ارجو ان تروق لكم اولاد العم ولاني اجد بها فخرا لعشيرتي نشرتها لكم حبي وتقديري سلفا لمروركم الرائع
تلميذكم
عماد السلطاني