الشاعر عماد السلطاني
02-05-2012, 06:45 PM
احبائي اولاد العم قبل ان اكتب قصيدتي الجزء الثالث من قصه وقصيده ولكوني لم اجد قصيدتي وعليي البحث عنها احببت ان اكتب لكم هذه القصيدة والتي كتبتهاالى صديقي وزميلي الشاعر الاستاذغسان لطيف السلطاني احببت ان انشرها في منتداي الرائع لكم فائق الحب والاحترام والتقدير سلفا لحضوركم وتشريفكم متصفحي
يامن سلبت العكل وسط الكلب طـــر الك
تتسله بي لشوكت عشــت بخلك طـــر الك
يالرايي منك والك وكل سا يرن طر الـك
وانه بربيع الصبا حتــى الرمش شــاب الـــي
ومن صار دهله العمر جنت احسبك شــاب الـــي
تاليك موكدصرت وبكــل وكــــت شــاب الـــي
وجناح شوكي بفرح من موكدك طــار الك
**************
هيجي تدري بالوكــــــت خلانى= صـرت شاعـر من كمت تهواني
اني مؤمن بيك حد عتبة البـاب= وهسه انت تقلل من ايماني
*************
كل جوارح روحي منـــك تستجير= وهذا دمعي الجان يجري بلوحك
صافي انه وجنت الك احلى سمير= وعالي نخلك من جنت لاكوحك
وتدري كلبي بس الك اعلن نفير= فارس ايصول ويجول بسوحـك
وجنت اضنك بالعشك انت خبيــر= وجنت اشوفك عاليات اصروحك
باب ما دكيت لاجيتـــك اسيــر= وجنت انت تدك عليي بيباني
روح عاي شما تعلي انت وتطيـر= هم ترد ترجع ندم لاحضانـي
********
انه مو دمخي وتريد انكر هواك= وكلبي بس الكم يضل ايناحي
يا حبيبي اشبيك متكلي شبــلاك= جنت تفرح من تشم رياحـــي
كل شي جان ايهون الك كلشي فداك= والك بالصبخه يطك قداحي
ابد ما دليت كلبي وكتله ذاك= من رميت انت الكلب بسلاحــي
بس حسافه انت جنــت شمحــلاك= من جنت عالغانمـه تنخانــي
اني ادري شصار هسه وغيـراك=هاي ما جانت ترا بحسبانــي
*********
انه جنت وياك اكثر من حبيب= وجنت من تندهني اصرخلك نعـم
هسه كمت اتحط الي مية رقيب= وانكلب كل حبك عليـه نقـــم
وكمت تهجيني بشعر صبح ومغيب= وكلت ماكل كلبك اعليه الندم
يا صحيبي شغير اطباعك لذيب= وانت جنت بشوفتك تمحي الالــم
يا صحيبي هاي هم قسمه ونصيب= لو وعد منم السمـا ربانــي
مثلك انه ما شفت انــت رهيب= بحضنك انه وتكطع بشرياني
*********
كلتن اكتبلك شعر بلجي تدوم= وبلجي وي شعر الغزل نمحي الخطه
من اجيك مغيم وكلك همـــوم= ومن صحيت انه عليي شخصك بطه
شغير كليبك عليي وانت الرحوم= وطيب كلبك من كدره وزامطه
ومن حسبت اسراري بكليب كتـوم= وارتبطت وياك باعظم رابطه
بحت سري وكشفت كل العلـــوم=حفرت كبري وحضرت اكفانـــي
ولسه انت بالشعر تحسبني بوم=وصرت انت النابغه الذبياني
*********
زادت ضنوني وكلت حل الذهاب= وانت جنت بطبعـك اتاّذينــي
صرت منكب زفر سووني الاحباب= وطبع الكرنفل جنت تدرينــي
ثكل بهمك عليي صارت خــراب= من كبل مـــن قررت تنهينـي
مرمرتني وسمك اتكلي شــراب= بي شفت موتي وحفل تابينــي
توبه منك راح اشج كلبي بحـراب=خاف يوم تهيج بي اشجانـي
وخاف يوم ايكلي هذا الجرح طاب= جنت احط ملح بجرح وجداني
الشاعر
عماد السلطاني
يامن سلبت العكل وسط الكلب طـــر الك
تتسله بي لشوكت عشــت بخلك طـــر الك
يالرايي منك والك وكل سا يرن طر الـك
وانه بربيع الصبا حتــى الرمش شــاب الـــي
ومن صار دهله العمر جنت احسبك شــاب الـــي
تاليك موكدصرت وبكــل وكــــت شــاب الـــي
وجناح شوكي بفرح من موكدك طــار الك
**************
هيجي تدري بالوكــــــت خلانى= صـرت شاعـر من كمت تهواني
اني مؤمن بيك حد عتبة البـاب= وهسه انت تقلل من ايماني
*************
كل جوارح روحي منـــك تستجير= وهذا دمعي الجان يجري بلوحك
صافي انه وجنت الك احلى سمير= وعالي نخلك من جنت لاكوحك
وتدري كلبي بس الك اعلن نفير= فارس ايصول ويجول بسوحـك
وجنت اضنك بالعشك انت خبيــر= وجنت اشوفك عاليات اصروحك
باب ما دكيت لاجيتـــك اسيــر= وجنت انت تدك عليي بيباني
روح عاي شما تعلي انت وتطيـر= هم ترد ترجع ندم لاحضانـي
********
انه مو دمخي وتريد انكر هواك= وكلبي بس الكم يضل ايناحي
يا حبيبي اشبيك متكلي شبــلاك= جنت تفرح من تشم رياحـــي
كل شي جان ايهون الك كلشي فداك= والك بالصبخه يطك قداحي
ابد ما دليت كلبي وكتله ذاك= من رميت انت الكلب بسلاحــي
بس حسافه انت جنــت شمحــلاك= من جنت عالغانمـه تنخانــي
اني ادري شصار هسه وغيـراك=هاي ما جانت ترا بحسبانــي
*********
انه جنت وياك اكثر من حبيب= وجنت من تندهني اصرخلك نعـم
هسه كمت اتحط الي مية رقيب= وانكلب كل حبك عليـه نقـــم
وكمت تهجيني بشعر صبح ومغيب= وكلت ماكل كلبك اعليه الندم
يا صحيبي شغير اطباعك لذيب= وانت جنت بشوفتك تمحي الالــم
يا صحيبي هاي هم قسمه ونصيب= لو وعد منم السمـا ربانــي
مثلك انه ما شفت انــت رهيب= بحضنك انه وتكطع بشرياني
*********
كلتن اكتبلك شعر بلجي تدوم= وبلجي وي شعر الغزل نمحي الخطه
من اجيك مغيم وكلك همـــوم= ومن صحيت انه عليي شخصك بطه
شغير كليبك عليي وانت الرحوم= وطيب كلبك من كدره وزامطه
ومن حسبت اسراري بكليب كتـوم= وارتبطت وياك باعظم رابطه
بحت سري وكشفت كل العلـــوم=حفرت كبري وحضرت اكفانـــي
ولسه انت بالشعر تحسبني بوم=وصرت انت النابغه الذبياني
*********
زادت ضنوني وكلت حل الذهاب= وانت جنت بطبعـك اتاّذينــي
صرت منكب زفر سووني الاحباب= وطبع الكرنفل جنت تدرينــي
ثكل بهمك عليي صارت خــراب= من كبل مـــن قررت تنهينـي
مرمرتني وسمك اتكلي شــراب= بي شفت موتي وحفل تابينــي
توبه منك راح اشج كلبي بحـراب=خاف يوم تهيج بي اشجانـي
وخاف يوم ايكلي هذا الجرح طاب= جنت احط ملح بجرح وجداني
الشاعر
عماد السلطاني