الشاعر حسام السلطاني
04-09-2012, 11:35 AM
احبتي ابناء عمومتي الغوالي
السلام عليكم ورحمة الله وبركاته
هذه القصيدة الغايه منها التحذير والنصيحه بنفس الوقت الى كل من اراد ان يتطاول ليصل الى مقام اسياده ارجو ان تنال رضاكم وشكرا لكم سلفا
لأن اصلك دكل مكتوم ابد متصير
اشملكح بيك تبقه محشفه اثمارك
صرت ازرع بصفك اندر الاصناف
كلت بلجي اتغير من طبع جدارك
اثاري الطبع يغلب ميتغير دوم
وكل زين العملته وياك ما دارك
سنين طوال خلصن وانه اعلم بيك
شنفع تعلومي وانت العله بافكارك
ممكن تخدع الابصار بس بالليل
لاجن تنكشف لو بين انهارك
تغيير الشكل لامهم لامطلوب
بنوعية اثمارك قيمة اسعارك
لأن الزين غالي الناس ترغب بيه
ميزانك يدك اشما زادوا عيارك
يكفيك اتعطر من عطر مصنوع
ما يلزم عطر مصنوع بازهارك
ولاتفرش مضيف وبيه تلم الناس
لأن الكرم ما مذكور باخبارك
لأن الكرم اصلا ما هو للجفين
الكرم للنفس خله ايصير معيارك
ولو صار الحجي واتعمر الديوان
بزلات اللسان اتبوحهه اسرارك
واذا قصدك الصيت اتجيبه بالدينار
هم تنباع بس بربع دينارك
خل اثمارك اتكبرك بعين الناس
وبس للزين خله ايشوف منظارك
واترك سالفة رايد تحطلك سيف
لان يوم النزال ايخذلك اصرارك
واول ما تطب الساحة الميدان
زغير ابن الاصول ايصير طبارك
وبالك لتخيل وانت مو خيال
من توكع تعيش العمر وي عارك
واحذر لاتربطه بيوم ويه الخيل
تره بوكت الصهيل ايفضحك حمارك
اخوكم الشاعر
حسام السلطاني
السلام عليكم ورحمة الله وبركاته
هذه القصيدة الغايه منها التحذير والنصيحه بنفس الوقت الى كل من اراد ان يتطاول ليصل الى مقام اسياده ارجو ان تنال رضاكم وشكرا لكم سلفا
لأن اصلك دكل مكتوم ابد متصير
اشملكح بيك تبقه محشفه اثمارك
صرت ازرع بصفك اندر الاصناف
كلت بلجي اتغير من طبع جدارك
اثاري الطبع يغلب ميتغير دوم
وكل زين العملته وياك ما دارك
سنين طوال خلصن وانه اعلم بيك
شنفع تعلومي وانت العله بافكارك
ممكن تخدع الابصار بس بالليل
لاجن تنكشف لو بين انهارك
تغيير الشكل لامهم لامطلوب
بنوعية اثمارك قيمة اسعارك
لأن الزين غالي الناس ترغب بيه
ميزانك يدك اشما زادوا عيارك
يكفيك اتعطر من عطر مصنوع
ما يلزم عطر مصنوع بازهارك
ولاتفرش مضيف وبيه تلم الناس
لأن الكرم ما مذكور باخبارك
لأن الكرم اصلا ما هو للجفين
الكرم للنفس خله ايصير معيارك
ولو صار الحجي واتعمر الديوان
بزلات اللسان اتبوحهه اسرارك
واذا قصدك الصيت اتجيبه بالدينار
هم تنباع بس بربع دينارك
خل اثمارك اتكبرك بعين الناس
وبس للزين خله ايشوف منظارك
واترك سالفة رايد تحطلك سيف
لان يوم النزال ايخذلك اصرارك
واول ما تطب الساحة الميدان
زغير ابن الاصول ايصير طبارك
وبالك لتخيل وانت مو خيال
من توكع تعيش العمر وي عارك
واحذر لاتربطه بيوم ويه الخيل
تره بوكت الصهيل ايفضحك حمارك
اخوكم الشاعر
حسام السلطاني