ارثيك بضناك شلون

[الاعلاميه عراق]

ابو الشهيد في بعقوبه يرثي شهيد النجف الطفل السيد حسين الفحام الاعرجي الذي سقط برصاص الاحتلال والذي رثاه الكثير من الشعراء في كتاب تحت عنوان الحسين ينتظر الحسين
ارثيك بظناك شلون وابدا بالقصيده منين
وانه الوالد المفجوع وابيتي انطفت شمسين
مثلك اني كلي جروح مثلك اني طرني البين
اعرف بالابن لو راح يزرع بالكلب سجين
واعرف بالثواني تصير ع الفارك ظناه سنين
بجيت هواي مارد هم البجي الغالين
تاريخ الالم تقراه بعيون العراقيين
من اه وحزن وادموع مومن طين مخلوقين
ومن طف كربله لليوم واحنه بدمنه غركانين
مو واحد الف عباس عدنه مكطع الجفين
واحفاد الشمر ياريت من ادمانة شبعانين
رجعوا من جديد اليوم صارولك سياسين
همه اعلة الكراسي عراك واحنه نروح بالرجلين
حوبة دمنه لا متروح بيهم باجر مشورين
شد حيلك يخوي وكوم واتحزم ببو الحسنين
وانته هديب بالشدات يل مثلك فلاكو اثنين
دم ابنك قصيدة زود من اجل الوطن والدين مامات وابد ميموت ساكن بالجنان حسين
ابو الشهيد الشاعر كتاب قائد السلطاني

[المحامي سيف ال سدخان]

قصيدة رائعة.........تسلمين

[عـــلاء الرحال]

احسنتِ كلمات رائعة

http://forum.ashefaa.com/images/smilies/bes.gif