قصيدة الشاعر هادي جبارة الحلي بحق الشيخ عائد فاضل خلفه

[سالم الهزاع]

- هذه القصيده الى الشيخ عايد فاضل خلفه الحسن، كتبها الشاعر المرحوم هادي جباره وهي بعنوان امن الوفي جتنه

رساله :
( تم استلام الرساله بتأريخ 13- 12- 1992 )

اجتنه امن الوفي عايد رساله شبل فاضل المايحصل مثاله
_____________
اجت منك رساله معنويه اومن حين المستها ابين اديه
اشم منها العطر كبل التحيه اوشفت وجهك ظهر بيها خياله
______________
يعايد حين مكتوبك وردنه كرينه خطك اوبيه انسعدنه
ابغيابك عالوفه احنه بعدنه واخذنه للوفه منك وكاله
_______________
وكاله امسجله خذناها منك نساند شخصك اوما نصد عنك
اشعجب احن نخيب بعد ظنك او وكالتنه اخير امن الأصاله
_______________
وكالتنه الوفه بيده وضعها اوبعد هيهات يتغير وضعها
من حيث الوفه لمن طبعها شرح بيها اوجمع اطيب خصاله
شرح بيها الوفه اوبيده ختمها اوصفه فوك الختم ظاهر اسمها
ترد روحه اليشاهدها اويشمها او يوجه للوفي عايد سئواله
______________

ايتوجه للوفي عايد يسئله تره الفركه علينه ما هي سهله
اشوكت يمته اليسافر يرد لهله او يظل بين اخوته واسع مجاله
_______________

مجاله واسع ابين اليودهم اويشوف الطيب ظاهر ذاك عدهم
وجه باسم يشاهد من يردهم خبر عنه اويظل دوم اتصاله
_______________

عليهم واجف اوظليت اعاين اشوكت يمته لعد تسري الظعاين
اويرد ركب ألأحبه للمداين اونزلهم ذاك يسحرنه ابجماله
________________

كمت ابحث عليهم بالبراري ادور بالفيافي اوتشب ناري
لجن بيهم حسافه ماني داري شفت نور الهوادج من تعاله
________________
اشوكت يمته نشاهد تجي الغياب اوترد ابيوت اهلها العالي الأطناب
اولديار الحموله انوجه العتاب اشوكت يهل النزل توصل رجاله
_________________

المخلص : هادي جباره
____________