هوسات من تاريخ قبيلة البو سلطان

[المحامي سيف ال سدخان]

شما اجرها بعنادك وانت رفيها
والياعجز منها بيدك اطويها
خرزة كوز صير وفر بيها
خم اكلوب الوادم هاي ام سبع عيون

""""""""""""""""""""""""""""""""""""
اقدم ذكر للتاريخ بيه اهل المجد تشهد
ابو عبيد الحدا بالعز بسلفنا عاصي المحمد
ذاك انشاءالله ينكال وايده على الخصم تمتد
بيوم الملعب ذاك الكور كل حجاي

""""""""""""""""""""""""""""""""""
على خرشيد عتبي لو على اسماعيل
لو راضي الحميزه ومطلك الراضين
قريت كتاب عن كوم ابن قرين
يكفيك اخباره وشفت الصار عليه

"""""""""""""""""""""""""""""""""""
هذا الفوز حصلناه وطرقنا لكل مجد بابه
تعرف سرة المدفون وشنهي جانت اسبابه
عمامك حصلوا هالزود كله بخت شنابه
اسمع ياجواد انكلك هذا انأيده ونمن بيه

""""""""""""""""""""""""""""""""""
يالجدك سنة عشرين خاض الدان
ابو مرهج الخله بكل سجل عنوان
جلب صفحة التاريخ بيه تبيان
انشد والعضمه اتكلك جدك سوه انذار

""""""""""""""""""""""""""""""""
درسنا الغيض عدكم لنه غيض اخبال
مثل غيض الجهال يكله جيب زعال
واحدكم يسوي نذر ابن هذال
من كوم هوش طفيل وياكل بيه

"""""""""""""""""""""""""""""

[ادارة الموقع]

حيا الله ابن العم الاستاذ سيف السدخان

أتسائل عن أسماء الرجال والشخصيات التي قد ورد ذكرها في الهوسات، وبصراحة لحبي لهذه الهوسات ومعانيها الحكيمة.
كما ورد ذكر أسم أبو عبيد فمن هو ابو عبيد؟
وتعدد ذكر خرشيد هل هو شخص أم أسم مكان؟
راضي الحميزه ؟ مطلك؟
ومن الذي جده سنة عشرين خاض الدان؟

تقبل شكري لمشاركاتكم الثمينه

[المحامي سيف ال سدخان]

اشكرك شيخنا العزيز على اهتمامك بالارث الشعري لقبيلة البو سلطان وهذا ان دل فانما يدل على اصالتك ولا اعجب لذلك ...
اما بخصوص الاسماء الوارده في الهوسات اعلاه فهي اسماء لشخصيات وحمايل وشيوخ البو سلطان واشير الى ان هذه الهوسات نضمت في سبعينيات القرن الماضي لذلك فاغلب اشخاصها قد انتقلوا الى رحمة الله تغمدهم الله برحمته.
فعاصي المحمد وراضي الحميزه ومطلك الراضي فهم من البو جاسم وكذلك خرشيد الجمعه وهم اسماء لامعه في قبيلتهم
اما ابو مرهج فهو الشيخ سدخان
ابو عبيد(مختصر ابو عبد المحسن)وهو الشيخ نايف الجريان
رحمهم الله جميعا وتغمدهم في فسيح جناته,,,,,,,

[ادارة الموقع]

جزيل الشكر لشخصك الكريم يا ابن العم وما قصرت ودوم انت صاحب الأوله والنعم منك ومن آبائك ومن أجدادك شيوخنا وعكال راسنا وعزتنا وكرامتنا

[الشيخ ابوسند حيدر الفاضل]

حياالله البوسلطان وحيا الله اولاد العم إخوة زايده وإخوة بيضه
هوسات تنبع من أصالة تراث القبيلة

إخوتي وأولاد عمي الاعضاء والمشرفين والاخ المحامي سيف سدخان أهديكم هذه الهوسه لما لمسته من طيب كما قال المهوال الزلم نفس الزلم بس الفرق بالطيب

الاهداء

اليوم البيت نور والظلام أنزاح
هله بأبن سدخان إبن جناح العشيره المايشبه جناح
واشتم ريحه طيبه بلمتكم يولد العم تشبه ريحة القداح
اليوم البيت أمنور بيكم ياهل الجود
والله اليوم البيت أمنور بيكم ياهل الجود

وسلامتكم

[المحامي سيف ال سدخان]

الله يسلمك وصح لسانك على هالوسه الجميله شيخنا العزيز ابو سند..

عمامك وياك واحد ذولا احزام ضهرك لو حمه الميدان
ذولا بيوم حيهم صدمة العدوان
ذولا وياك بالدم واللحم شركان

اسمع يالحاضر منهم ذولا على اسمك يتناخون

[الشيخ ابوسند حيدر الفاضل]

السلام عليكم ورحمة الله وبركاته

الى أولاد العم الكرام وأخص منهم ابن العم الاستاذ سيف السدخان

هله هله هله هله هله
بجًََيت العمام الجوونه متعنين
تأره بالدم واللحم مشتركين
هله برجال الفنوني إلي بالوغه كلفين

أسمع يابن العم أحنه وياكم فد حزام
اسمع يابن العم أحنه وياكم فد حزام

[الشيخ ابوسند حيدر الفاضل]

أريد أحجي والحجي بترتيب
الحيه خلفة حيه والذيب خلف ذيب
تره الزلم نفس الزلم
الزلم نفس الزلم
بس الفرق بالطيب

الطيب مثلك يابن سد خان حجي الخوه إيبات اوياه
الطيب مثلك حجي الخوه إيبات أوياه

[سالم الهزاع]

السلام عليكم ورحمة الله وبركاته

وجدت الساحة حاميه بالهوسات فأقبلوا مشاركتي

الشيخه مو بالصوايه والبشوت خفاف
الشيخه بالحكمه والعقل شفاف
هم شفت هم سمعيت يحمل لو يثمر الصفصاف
عيب أنكول اثنين ------- عيب أكول أثنين

المرجع واحد عيب أنكول أثنين المرجع واحد

[المحامي سيف ال سدخان]

هله بيكم عمامي (ابن جريان وابو سند والهزاع )هله بيكم يا شيلة راس
خوتكم ذخر النا خوة حسين وي عباس
هذا مو اني اللي اكوله تكوله كل الناس
نريد مواصل منكم وانتم اهل لهاي

[سالم الهزاع]

والنعم من أخوة فنوني

[أبوعمرالسلطاني]

صح لسانكم أولاد العم على هذه الهوسات الجميلة

[عـــلاء الرحال]

سلمت الانامل التي خطت هذا الجمال
ونسجت من الاحرف بديع اللوحات
دام عطائكم العذب فأقبلوا مشاركتي الماعندة عمام يتيه من تفزع علي جوكة
تغزي بتوالي الليل من الدار وتبوكة
المايمة عمامة ايصير كومة حطب محروكة
لوحملك مال يعدلونة

[عـــلاء الرحال]

من تجبل على الديوان اكعد بصف جدك
يعلمك لكلام ولحجي يشدك
لو عد الزلم بولهم يعدك
ويعلمك تحجي بلزينة

[عـــلاء الرحال]

لديالی وصلاح الدين كلنا اشهود
وللبصره واهل الانبار اهل الجود
ولهذا الوطن بالاصل كلنا نعود
بيت ومنسف واحد
كلنا انگوم نحيي الضيف