هوسات منوعه

[المحامي سيف ال سدخان]

هذه الهوسات من الهوسات التي رددها الثوار في ثورة العشرين...
سلاح البيدي حيرهم لان ماله عتاد
وكل جيش التطكه يصيح منها الداد
الفاله بيد كوكس وصلت لبغداد

على الفاله مشكول الذمه


ولهذه الهوسه طريفه وهي عندما ثار الثوار باسلحه تقليديه كالفاله والمكوار طالبت القياده الانكليزيه بنماذج من اسلحة الثوار فارسل لهم ضباطهم الفاله باعتبارها من اسلحة الثوار المهمه.فانشد الثوار هذه الهوسه ...

وهذه هوسه اخرى للثوار...

لون تدري بالزمان الراح شنهو الصار
من عبروا علينا الطوب والطيار
واحنا سلاح ماعدنا بطرك الفاله والمكوار

ادخيلك يالله ادخيلك ذولا الضحوا بالعفرين

................................................

[ادارة الموقع]

والله والنعم منهم ثوار الوطن ثوار الكاع ثوار ثورة العشرين
ثاروا بعنوان واحد
طوبا ثم طوبا لأبطال ورجال ملحمة ثورة العشرين

جزيل الشكر لابو مخلد الشيخ سيف السدخان*

[المحامي سيف ال سدخان]

انا ممنون منك شيخنا العزيز لمرورك الكريم..

[ابن الشعب]

السلام عليكم ورحمة الله وبركاته
شكرا جزيلا حضرة الاخ والاستاذ العزيز المحامي سيف ال سدخان(ابومخلد)على هذا الموضوع الجميل والذي يدل اولا على ان العراقيين اصحاب شيمه وقوه وعزيمه وذوو بأس ويدل ثانيا على انك انسان وشخص محب وملم للتاريخ وبالاخص تاريخ العراق العزيز ارجو من جنابك تزويدنا بالمزيد من هذه المواضيع الاجتماعيه والتي تزيد من الثقافه العشائريه والاجتماعيه والتي نحن انشاء الله حريصون على نشرها بفضل الله وبفضلكم وبفضل الكثير من النسابه العراقيين والعرب
اكرر شكري وتقديري وفائق احترامي لشخصكم الكريم

[المحامي سيف ال سدخان]

انا ممتن منك اخونا العزيز ابن الشعب..مرورك زاد الصفحه اشراقا ..اكرر شكري وامتناني لك وانا بالخدمه لك ولكل الاخوه الاعضاء,,,,

[الشيخ ابوسند حيدر الفاضل]

والله والثلث تنعام منهم تعيش أبومخلد العزيز

[المحامي سيف ال سدخان]

والنعم منك ابن عمي العزيز ابو سند مشتاقلك والله ...

[الشيخ ابوسند حيدر الفاضل]

هلا بيهم ولد عمامي (ابومخلد) اليرفعون الراس
اهل دله ومضيف وبيهم النوماس
حدهم سيف مشرع ابد ماينجاس
الينوي اعليه يتدارك سدره ومارد لليلفاه

[المحامي سيف ال سدخان]

معلومين خوش زلام (ولد عمي ابو سند وابو حسين ولا يهونون الجميع)
معلومين خوش زلام رضعوا من ثدي حره
وحدهم غير بارضاهم محد يكدر يمره
هذا الحجي مو تقوى اليحب واليكره يقره

اسال والغير ايكلك
ها اسال والغير ايكلك ذني غماك السباحات

[ادارة الموقع]

ابو مخلد ام الرضعتك حره وشريفه وهيهات علا رجيلها تكمط هدان
لآل سد خان التاريخ يشهد يوم طك ألدان
اهل طيب وكرم ويه الصديق ويه الخوان
ها العليه تريد الفارس المايتنيح خاف يروح بعج الخيل
المايتنيح خاف يروح بعج الخيل

[الشيخ ابوسند حيدر الفاضل]

والله والنعم من أبو مخلد أبو الطيبات، نرى أنفسنا نلاحقه ونلاحق كتاباته لطيبة معانيها وجمالية كتابتها وجوهر مضمونها

[المحامي سيف ال سدخان]

قبيلتنا حصينه وهاي معناها
(الكلام لابو حسين وابو سند)قبيلتنا حصينه وهاي معناها
وافه البخت لمها وهيج سواها
الفخر لابو حسين وابو سند لم اخوته وموش طشاها

ها ابن العم هزه يبين البيه

[الشيخ ابوسند حيدر الفاضل]

البركه بابو مخلد، وأبرهيم أبو علي، وأبن عمي خليل الجبوري، وابن عمي الساعدي، والهزاع، وكل الاخوه الاعضاء

[المحامي سيف ال سدخان]

قبيلتنا حصينه وهاي معناها
وافه البخت لمها وهيج سواها
الفخر لابو حسين وابو سند اللي لم اخوته وموش طشاها
الفخر لليجمع اخوته وموش طشاها

ابن العم هزه يبان البيه

[سالم الهزاع]

حياك الله أبن عمي الكريم ابو مخلد دومك للطيب عنوان ودومك للجود سباق