الـصـــــــبر

[الشاعر زيد السلطاني]

من جرح لجرح وياك عشت اسنيني
رحت وين يلي اذكرك وانت ناسيني
وطن صرتلك وانا بغربتي مخليني
سميتك حبيب وبطران انت تسميني
قلبي بديك وانت بالخيانه تبليني
ردتك مطر وبعز ضماي ترويني
حسبتك محب وبروحك انت تفديني
صرتلك دمعه بالحزن وانت تبجيني
قدمتلك عمري برخص حسبالي تغليني
وتبيع انت ولا يوم فكرت تشريني
احبك كلمه ماسمعها منك و تجازيني
انا الغلطان سلمتك قلبي وحنيني
ياما عذرتك وانت على الزله تهريني
عسل انطيتك وانت من مرك تنطيني
على الحب دليتك وعلى الغدر تدليني
بجنتي مشيتك وبنارك دوم تمشيني
اجيك مشتاك وانت بسيفك تلاكيني
واني بجيتك كلي شوك بعيني
تركت الكون لجلك انت تدريني
هجرك كل يوم وبعادك مجافيني
حسبالك من ترد اضعف وتغريني
غلطان انت واخسرت كلشي لاتجيني
تركتك معاد ينفع ارجوعك لاتناديني

[ادارة الموقع]

صح لسانك يازيد يا اصيل يا سلطاني دائما متألق بمفرداتك وابياتك
قصيده جميله جدا جزيل الشكر

[الشاعر زيد السلطاني]

استاذي العزيز وابن عمي الغالي

وجودك في صفحتي يسعدني كثيرأ

دمت بالف خير

[عـــلاء الرحال]

كل الشكر والتقدير على هذا الابداع وأتمنى أن تعذرني لان الكلمات لاتفيك حقك أبدا.

[الشاعر زيد السلطاني]

علاء الرحال

وجودك في الصفحه اجمل من الحروف