من هوسات البو سلطان

[المحامي سيف ال سدخان]

لابناء العم الاعزاء اقول

لا تترك عمامك واحنا الك جنحان
انتم بالكلب وانتم شمعة الديوان
خافني اقصر وياكم واني ابن سدخان

غوجك سابج بين بين بالميدان

.................................
هلة بجية عمامي اهل الثار واللكدات
واخذنا علوم حلوة بالزمان الفات
منهم عبد الحسن من يلكد على الميات

الزود البيهم بيًن بين بالتاريخ

................................
هتف باسم البو سلطان كل الشرف والوجدان
ورسموا خوش خطة وشيدوا بنيان
دكوا بالمكارم لافتات اعلان

عيار الثابت ثابت بالميدان
...............................

[الشيخ ابوسند حيدر الفاضل]

أبن سد خان سيف المجرب حشاك من القصور

انت أهلها وانت صاحب الاوله يا ابو مخلد

[سالم الهزاع]

والنعم من عمامي هتف باسم البو سلطان كل الشرف والوجدان

والنعم من ابن سدخان فارس ابن فارس

[المحامي سيف ال سدخان]

اشكركم ابناء العم الاعزاء على كلماتكم المعبرة ....تحياتي لكم واجلالي

اريد احجي واسولف وانشد الموجود
كل الناس فرد عيار لو اكو حدود
واذا صار الحجي مراوس فشلة وعيب بيه منكود

الساس الثابت ثابت من صياد

[الشيخ ابوسند حيدر الفاضل]

عمامي آل سد خان ومنهم سيف
هم اهل الكرم واهل القلم والسيف
وما يخلص حطبنه لا شته او لا صيف

الزود البيهم بيًن بين بالتاريخ

[المحامي سيف ال سدخان]

ابو سند........

انت البيه كفاية وماعلاك الزود
انت اللي نذكره وبالسلف مفكود
عندك طيب للخوه ماتحدهه حدود

الطيب خلَف طيب مثله وزاد عليه

[ادارة الموقع]

ابومخلد الاخ سيف آل سد خان
الخوه منبع طيب وأنت من أهلها
واليزرع الطيبات يحصد مثلها

[المحامي سيف ال سدخان]

لابن العم المدير العام وبقية ابناء عمومتي اقول ....

اريد اذكر عمامي وكل اسم سلطان
لاشخير الهيمص نايف وجريان
واذكر اسم خلفة وفارس وسدخان

اركان الملعب ذولة ذولة البيهم زود

[ادارة الموقع]

صح لسانك أبو مخلد والنعم منهم
وكما قال الشاعر أحمد عبدالله الدفار
الشيخة مو بالصوايه والبشوت أخفاف
الشيخه بالصواني والعقل شفاف
هم شفت هم سمعيت يحمل الصفصاف

ها الما يتنيح خاف ايروح ابعج الخيل

[عـــلاء الرحال]

والنعم منكم جميعاً عمامي تحياتي لكم وللشيخ الفاضل ابو مخلد اقول
تاج الراس أنت وراسك دوم مرفوع
الزلم أنت الذي للغانمة تقوده جموع
أصيل وابن الجود يلصيتك بالعرب مذيوع
معدل والله معدل من ساسة معدل