انـــــــي دلـــــــيتك

[الشاعر زيد السلطاني]

من نضراتي جنت تعرفني
وهسه صنم اكبالي ماتشوف
على نفسي دليتك كبل
واضح يوم جيتك ومكشوف
تهت بيك وحاير عفتني
عفت الدنيا وانته الماعوف
جبت عذرك واني قبلته
وادري عذرك كذب معروف
كل ايامي وياك مشاكل
واني وياك طيب وعطوف
ردتت فرصه مره بحياتي
بيها اعرف حبك واشوف
ماعرفت حبك ولا مره
حبك انته مو حقيقه مزيوف
كلت اصبر وخلي اتاني
وعلى حبك قلبي يطوف
وطاف قلبي وشبك حبك
ويوم التقيتك وجهي مخطوف
خفت من نضرات عينك
شكد عينك صلفه وماتشوف
شفت بعينك دنيا ظلمة
وبيها الغدر مشرع و مصفوف

[ادارة الموقع]

تعيش يا زيد السلطاني

[فهد ال حبيب]

تحيه طيبه تمنياتي لك بمزيد من العطاء وعسى ان لا يهداء شيطان الشعر من لسانك خدمتا للجميع لك فائق الامتنان

[عـــلاء الرحال]

تحياتي أخي الفاضل لقد جعلتني بإبداعاتك ممن قال الله فيهم
{وَالشُّعَرَاء يَتَّبِعُهُمُ الْغَاوُونَ }الشعراء224

[الشاعر زيد السلطاني]

علاء الرحال
شكرا جزيلا عالمرور