ومضات وموال للشاعر عداي السلطاني المنشوره في مجلة سنكريم الشعريه

[كريم السلطاني]

اود مرمر اصير ولني اتراب
اود اتراب اصير انكلب مرمر
واود خنجر اصير ولني اكراب
واود اكراب اصير انكلب خنجر
ضدي حلفوا باطل باليشورون
وامام الما يشور بيه شور
زرعت الكاع ما خضر ولاعود
وبخلافي الزرع ياناس خضر
وردت اثبت ثبات العتبه للباب
ظل باب ثابت وانه افتر


غدر بيه طبيبي اهواي مرات
ولامره غدرت وخنت طبيبي
وانه من النكلت اوياه طيبات
غده مثل الوفر بالراس شيبي

اخوتي اهواي من جيبي عانات
صفوا عدوان لمن فرغ جيبي
وياما دوروا وياي زلات
وانه العديت واحدهم حبيبي

الغريب يهون من ينكل الشينات
لجن ما اصعب الشينه بجريبي


محتاج اني الك وبحاجه ماسه

وجارك فرض صابحه ياصاحبي وماسه
واوكف وياه لو شفت ظيم الوكت ماسه
وسيدنا حيدر علي كال الوكت يومين
ولاتعاشر اللي كرم حاجه وندم يومن
عاشر البيه الشرف والمرجله يومن
لو شاف مرك عسر ايصير الك ماسه

[سالم الهزاع]

قصيدة رائعه مشكور أستاذ كريم السلطاني

[المحامي سيف ال سدخان]

مشكور اخ كريم....وحيا الله الاخ عداي السلطاني

[الشيخ ابوسند حيدر الفاضل]

مشكور أخ كريم والشكر موصول للاخ عداي السلطاني

[البارق]

عاشت ايدك وصح السانك مشكور اخي العزيز.

[المحامي غسان ال سدخان]

جميل ماخطه قلمك...
تحياتي لك استاذ كريم......