هوسات لرثاء الشيخ حاتم عبد المحسن

[المحامي سيف ال سدخان]

هوسات اكتبها لرثاء الشيخ ابو عبد المحسن....

ابو حسين(علي الجريان)
الجربوع اجو للطيبين يحملون الالم والاحزان
لان انتم اساس الجود وانتم للكرم عنوان
وهذا مبين ومعروف مايحتاجله برهان

اسمع يالراحل جوك اهل الغارات اسمع يالراحل

................................................

ترك تاريخ حاتم واضح العنوان
وبنه ساس القبيلة وشيدوا شجعان
هذا المن صلبها هذا كحيل بالميدان

المنبع واحد يوم الحيهم والعفرين المنبع واحد

..............................................

يامركز الخايف لو اجه وادمه
وانت الصادمك اسمك بقه صدمه
على اسم زبيد كله هدمتك هدمه

امن ماتنطوه اللاذ بفيكم امن ما تنطوه

...........................................

يابو حسين عمك جان راي ورايه للعربان
ابو نفس الكريمه اليحجي الوجدان
وانت انت المجرب لو حمى الميدان

لو صار مزامط بالحد انت التوكف بيه لو صار مزامط بالحد

...........................................

ابدا مايتيه الموك والحادي تره موجود
وذولا اهل للعلية واهل ناشد واهل منشود
صحيح الراح بيه تكفاه لجن ظلت جثيرة حيود

الميت ميت والعز بالطيبين الميت ميت

.........................................
وانتضر هوساتكم ابناء العم.................

[المحامي سيف ال سدخان]

يالبوسلطان اريد اكللكم ماخلت هاي الدار
ياابو سند يالهزاع اريد اكللكم ماخلت هاي الدار
بيها نشامة ظلوا للوكت مكدار
ظل بيها علي الفايز وباسم وعبد المحسن ونزار كل واحد البيهم بالسلف ينشار

شتامر كول شتامر هذا البيرغ من سدخان شتامر كول شتامر

[الشيخ ابوسند حيدر الفاضل]

والنعم صح لسانك أخوي ابو مخلد

[المحامي سيف ال سدخان]

ياأبو حسين احنا حزام ضهرك من تصح عيلة
وحملك من يطيح احنا حملك انشيلة
وبس انخانا وانت تشوف نجيك اسرع من الجيلة

بيوم الطك والحيهم ننطي ركاب وما ننطيك

...........................................

هذا احنا النكولة وكالته العربان
ياأبو حسين هذا أحنا النكولة وكالته العربان
والحر يتبين لو حمى الميدان
احنا وياك ياأبن العم بالزود والنكصان

اسمع شتكول العلية احنا ضلوعك لو ونيت

..........................................
حي مامات يالتنشد على جريان
هو الدك الخريطة وثبت العنوان
عداي البنة الساس ونايف علًة البنيان

الساس مثبت واليتريث يبني عليه

........................................

[سالم الهزاع]

يأبو محسن موشط واحد بغيابك ... حزنن شطين

خيار أتخيرك ياحيف وسفه البين

غدار الوكت ماينصف الطيبين

ماعنده فرق مابين زين اوشين


ما ماتوا ذوله الهم تاريخ أمسجل

[الشيخ ابوسند حيدر الفاضل]

لوئن التبديل يحصل جنت ابدلنك
بكلمن خان مجده او ماشه مشيك
يابو محسن صبحت حاير بيش اعوضنك
أدى الواجب والمعروف مودع بالرحمن مودع

[الشيخ ابوسند حيدر الفاضل]

يا محسن يا علي ( الحاتم)
عمامك البوحمد وياك مشتركين
مثل الزاد والماي مشتركين
عمامك البوحمد رجال الفنوني إلبالوغه كلفين

أسمع يابن العم أحنه وياكم فد حزام
اسمع يابن العم أحنه وياكم فد حزام

[ادارة الموقع]

ابن العم سيف السدخان أبو سند والنعم منكم وانتم من أهلها

[المحامي سيف ال سدخان]

كل ما نفعله ونقدمه لك هو من اصلك ومن اعتزازنا بك......