الابوذيات

[كريم السلطاني]

شفت اسهام من عندك ............. وصديت
وابد ما يوم زاعلتك ..............وصديت
ذهب وشغير اطباعك ............... وصديت
وفقط زنجار غيضك هل عليه

اغار عليك حته من خيالك
واذا تمشي اصير انه خيا لك
صرت عمك حبيبي وصرت خالك
واصير الك عشيره وهاي هيه

كبل جانت الضحكه طبعنه
وهسه دموع عل وجنه طبعنه
فراكك مرض ما يشفيه طب عنه
شما رحت يزداد بيه

عن عباس يحجيلك فراتك
وجيش الكفر بذراعه فراتك
ابو فاضل يشهدله فراتك
غدت طشار منك ال اميه

مشاعر بس فرح كلبي ترس بيك
ولا روحي انجحت مره وترسبيك
عشكتك حيل وانه ادري ترس بيك
غشيم الكلب هل شابع اذيه

[ادارة الموقع]

ابو ذيات جميله مشكور اخي كريم السلطاني

[كريم السلطاني]

شكرا للسيد مدير الموقع العام للحبه للشعر وخاصه الابوذيه

[المحامي غسان ال سدخان]

جميل ماخطه قلمك هنا......
تحياتي لك

[عـــلاء الرحال]

لك مني كل الشكر والتقدير على هذه الكلمات الجميلة سلمت يداك

[المحامي غسان ال سدخان]

جميل تلك الابوذيات اخي كريم....

لك مني ارق التحايا

[كريم السلطاني]

شكرا لكم جميعا للمروركم