يا عراق

[سالم الهزاع]

( ياعراق ... )
ابقه شامخ ياعراق
والنخل من هيبتك انحنه وباس ترابك
وابقه شامخ ياعراق
وهيبتك بعكَال اهلنه واحنه كلنه احبابك
لاتضن الزمن باقي
وباجر احسابه عسير الباكَك
انباكَت الفرحه امنهلنه
وصارت اعيالك يتامه ابّابك
انهض انهض ياعراق
ومزق اثياب الحزن بنيابك
وانه اسجلك قصيده احله شعر
واكتب اول مستهل بكتابك
ياعراق انته الحضاره والوجود
وابد ماعنده ضمير الباعك
انته ربان السفينه مجربيك
وعله الدنيه انته رفعت اشراعك
صارت اجثثنه جبل فوكَ الحدود
ولاوصل واحد ولاوه ذراعك
ابقه شامخ ازمه وتعدي عليك
ويبقه دجله وتبقه هيبت كَاعك
كعبه انته ياعراق ومجد شامخ
تكالبت كلهه عليك تريد تمحي كتابك
وياعراق جتنه غربان الكَشر متحزمه
حدت خناجرهه عليك وخاف ليذبحونك
انهض انهض مابجه واحد عليك
البجي اعله النفطات مولعيونك
مادروا عندك شعب واعي وشجاع
بماي دمع عيونهم يبنونك
اشكَد طواغيت الكفر تحقد عليك
وانت ليكَدام تمشي وابد ميرجعونك
ذبحوا عيون الطفل بعيون ابوه
وكَصوا السانه فله يرحمونك
ذوله كاتلهم حقدهم ياعراق
وبل الخليج الفارسي يسمونك
وياعراق ومن اجل تبقه ضعيف
رادوا بخطتهم يقسمونك
وياعراق فرقوا بين الاخوومابين اخوه
وصرت بسم الطائفي يسمونك
للعروبه اشكَد دفعت انته الثمن
اشمعنه حكام العرب ينسونك
انته بلمكَوار والفاله تصول
وتشهد العشرين فعل ارجالك
الشمس لازم تصبح امضويه عليك
وانته مهيوب ونطوف ابّابك

[المحامي سيف ال سدخان]

صح لسانك اخ سالم قصيدة جميلة........

[سالم الهزاع]

شاكر مرورك يا ابومخلد نورتني بوجودك

[المحامي غسان ال سدخان]

صح لسانك جميل جدا..
تحياتي لشخصك وتقبل مروري

[سالم الهزاع]

شاكر مرورك ابن عمي غسان
تحيه من صميم القلب لجنابك الكريم

[عـــلاء الرحال]

دام نبض قلمك المبدع المتميز..
لك مني كل الشكر والتقدير اخي الكريم