قصيدة لاحد شعراء البو سلطان

[المحامي سيف ال سدخان]

القصيدة التالية لاحد الشعراء خفيفي الظل والمعروفين بفكاهيتهم ارجو ان تنال اعجابكم..
ونظمت لحادثة وقعت في منطقة الخميسية لشخص اسمه عادي من البو صكب
حيث انه اشترى لوري طابوق لبناء مظيف له الا ان اللوري انقلب على احد القناطر الظيقة
ووقع الطابوق في نهر الشبيلاوي وراحت معه احلام عادي في بناء المظيف..

فانتهز الشاعر الحادثة لتكون موضوعا لقصيدته....واترككم مع القصيدة

يحك ننصب عزا ونسوي لطمية
على اللي بالكناطر وكع لورية

واكع بالكناطر عادي راجب بيه
لوري من المعامل الولد شاريه
بايش ماركضله بس يدحج عليه
موهذا ابن عمك ماكو حنيه

طابوقك ياعادي صار بخت الطين
وعويد الصكب كال احنه مشمتين
مدمر عادي وجنه ابو الحصين
الربع محد فزعله ماكو غيريه

اجت مرته اتواره راح ابو قاسم
ابهاي الكارثة شو ما حضر كاظم
عادي راح مني نابغه وفاهم
عادي حلو شكله عيونيه كحلية

طابوكاته غطن بربعن بالمي
وعادي كال والله اليوم اخذت الري
اريد ابنه مظيف اصير حاتم طي
عبد زيد الحسدني ميه بالميه

ماهي خوش كروه ابو اللوري يصيح
الكنطره ضيجه وما حسبنه انطيح
ابو اللوري تفشخ دمه كام يسيح
مشمورة على النهر الجامه الامامية

اللوري انتهى وانمردت البيبان
وطابوك ابو قاسم ترس النهران
شبابيك اشترى وجاب شيلمان
ومخطط التواليت تكول غربية

كل ظن ابو قاسم تفزع البو سمير
لورينا بكلبته حشر بيه الكير
منكم ياعمامي بدر التقصير
الف وسفة عمامي اتشمتو بية

اللوري لونه اصفر والرقم بغداد
وعادي على هالمصيبة مايضوك الزاد
دكتك ياابن موسى هاي بيهه ابعاد
صارت هاي وي كومك نهائية

عادي كال والله الدنيا غدارة
البشر لو فرة وكته ايتيه معبارة
طابوك اشتريته وجبت سيارة
والسايق طلع عنده غشامية

[عـــلاء الرحال]

هو الإبداع عندما يكون الفكر حاضر
وصعب أن يكتب الشاعر قصيدة من غير معاناة

مشكور ابن العم على هذا الطرح الرائع تقبل مروري المتواضع

[كريم السلطاني]

قصيده جميله وروعه

[أبوعمرالسلطاني]

والله مشتاق لكم بس العذرمنكم عالتقصير ولابدمايطلع صبح ونلقاكم

[سالم الهزاع]

السلام عليكم ورحمة الله حيا الله ابن العم الغالي ابو عمر طمنا عنكم يالغالي وعن كل عمامنا والله احنه امقصير نسئل الله أن يحفظكم ويرعاكم

[احمد الهيمص]

روووووعه الكلمات عاشت الايادي اخي حياك