اكتبلك طلاسم

[سالم الهزاع]

قصيدة الشيخ فريق مزعل


تحياتي للجميع ,,, قصيدتي بعنوان :-

( اكتبلك طلاسم وامتحن بيك )

عمره البردي ماعاف الاهوار بليل

ولايوم النهر عاف الشواطي

وعمر الشمس ماحبّت ولايوم

تحركَ هل سبيبه البيهه باقي

وحكَه الكَمر يتغزل بلنجوم

ينطر بل شتّه وللصبح باقي

وصحيح الشمعه تحركَ روحهه بنار

ضواهه الغيرهه وحكَهه البواجي

جميله وحلوه تتباهه بشعرهه

مثقبه آذانهه وماكو تراجي

اشبيدي اعله الزمان المال وياك

صرت مثل الوحيد الماله والي

واحسّنّك نفس بل جسد يفلان

مو بس دمع يخلص بل بواجي

واحسّنّك نبض بين الشرايين

واخدع بيك كَلبي وبيه اشاقي

رحت متكَلي منهو الضيّعك وين

يسباح الجرف ويه السواجي

الحدايق من وردهه تزورهه الناس

وغير الرمل مابيهه الصحاري

اكتبلك طلاسم وامتحن بيك

وصعب ماينقره بل كوفي خطي

اذا بل كَيش تغركَ وين اخليك

وانه كل من عبر يغركَ بشطّي

واذا بل صيف تبرد بيش ادفّيك

وانه بجلّه وشمال الوكت ذبني

واضلوعي هشيم وباقي اعظام

وعله حس المحبه افرش واغطي

اداوي جروح غيري وكلّي اجروح

ونسيت جروحي وتاهت حسبتي

[عـــلاء الرحال]

طرح جميل ابن العم


وشكراً على هذا الإبداع

تقبل تحياتي

[المحامي سيف ال سدخان]

ممنونين اخو زايدة على جعلك القصيدة بين ايدينا.......مشكور

[سالم الهزاع]

شاكر لمروركم اولاد العم الأعزاء
انرتم الصفحه بوجودكم