عرض للطباعة
جمال العشق العراقي
عشكتك عشك يالمهيوب صافي
ولا فد يوم عشت ابال صافي
وقصتي لو حجوهه بيوم صافي
تغير دنيتي وتمطر عليه
****************
يولفي هاك اخذ روحيي وردهه
وذبل بجفاك لو تدري وردهه
الكلمه توصلل للساني وردهه
خجل مو خوف وخله الشوك بيه
****************
الكلب يسال عليك وانت داري
من بعدك وين اروح وانتة داري
اني طول العمر جنت اسهر واداري
وانتة تال الوكت اتخون بية
****************
اريداعبر صحاري الشوق مهموم
واريد اغبش انا لكركوك مهموم
انا اللي مابتت فد يوم مهموم
حبيتك وضاكت الدنيا عليه
مشكوره الاخت عراق على هذه الأبوذيات الجميله
اوصي الراح والرد مره ساله
عجب شبساع ينسى مر رسالة
مشى وده رسالة من رسالة
جهنم بالضرف وداهه ليه
.......................
الي احباب على مودك ودعوني
طحت ما شفت واحد وده عوني
انا بفرحك دعوني والدعوني
نفسهم جانو يشمتون بيه
........................
انحنى ضهري واكابر عدليته
وبعدني بذاكة حزني عدليته
خلص شوفي بمتاهة عادليته
طلع منهه وبنى حايط علية
........................
بعرش غدر الليالي مرة بعنه
الف صاحب شرينا مرة بعنا
سبب جرحك ياكلبي من ربعنا
ابد ماللشماته جروح بية
..........................
مع اعتزازي وودي للجميع.......
صح لسانك يا ابو مخلد
ابو ذيات جميله ..............
اجمل ابوذيات من اجمل واعذب الاشخاص
بارك الله فيكِ أختي الإعلامية على هذه الكلمات الجميلة , وشكري الى صاحب القلم المبدع الاخ ابو مخلد لك كل الود والاحترام
http://forum.iqr0.com/mwaextraedit4/extra/58.gif
مشكورة اخت عراق على هذه الابوذيات
ومشكور اخ ابو مخلد على ابوذياتك الرائعه
مشكورين على عذب الكلام