الصــــــبر

من جرح لجرح وياك عشت اسنيني
رحت وين يلي اذكرك وانت ناسيني
وطن صرتلك وانا بغربتي مخليني
سميتك حبيب وبطران انت تسميني
قلبي بديك وانت بالخيانه تبليني
ردتك مطر وبعز ضماي ترويني
حسبتك محب وبروحك انت تفديني
صرتلك دمعه بالحزن وانت تبجيني
قدمتلك عمري برخص حسبالي تغليني
وتبيع انت ولا يوم فكرت تشريني
احبك كلمه ماسمعها منك و تجازيني
انا الغلطان سلمتك قلبي وحنيني
ياما عذرتك وانت على الزله تهريني
عسل انطيتك وانت من مرك تنطيني
على الحب دليتك وعلى الغدر تدليني
بجنتي مشيتك وبنارك دوم تمشيني
اجيك مشتاك وانت بسيفك تلاكيني
واني بجيتك كلي شوك بعيني
تركت الكون لجلك انت تدريني
هجرك كل يوم وبعادك مجافيني
حسبالك من ترد اضعف وتغريني
غلطان انت واخسرت كلشي لاتجيني
تركتك معاد ينفع ارجوعك لاتناديني

الله يازيد لما أتكول بقصيدتك

سميتك حبيب وبطران أنت تسميني

زيد قصيدة رائعة وبصراحة اشوف نفسي كلش قريب من هاي الكلمات والي اشعرها من قلبك وأحس في جرحك
اتمنى لك التوفيق يا اخي العزيز

ابن العم سالم حياك الله ونورت الصفحة بوجودك

وكما تعلم كل شئ يخرج من القلب يدخل القلب

وهذه الكلمات خرجت من القلب

والله صادق بكل كلمة يازيد
وصح لسانك

واتمنى لك التوفيق

ابن عمك سالم الهزاع

لندن

ابن العم الغالي تسلم وتعيش

واتمناك دوم بخير

تحياتي وتقديري