قصيدة كتبها الملا عبدالله لرثاء الشيخ عبد المحسن الجريان رحمه الله

عليك ادموعها ترجد الك نصبت مياتمها
من حد سوريا للفاو صار النوح موسمها
يومك يوم ابوك الحر للغانمه يتمها
بيك انسد ثلم نايف وبيمن ثلمتك تنسد


نريد اليستر الثلمه نريده ونكول احياك
البيهم ولا تأمن صلب بالموزمه وفتاك
بشرط مثلك ياابو حاتم يجدمها ويشيل الواك
تطوف عليه كل عفره تزوره وبيه تتقلد


تزوره وبيه تتقلد تطيبه وكل وكت تنشار
يكون المثل ابو حاتم على الكلفات شبَة نار
بكل زبيد طيلوسه حر صافي وحديد كطار
حديده ما يكصن بيه لا ريمز ولا مبرد


حديدك بس لواه البين لحديدك تشهد دولها
سيلوسه على المخلبص كل اللي تصعب تحلها
تريد الغانمه بكيفك تصعدها وتنزلها
شلون البين طخ راسك وجان البين الك يسجد


جان الك يسجد وبيك الروس مرتفعه
خصيمك تكدر اضره وصديجك تكدر اتنفعه
وتعديت الذي كبلك عندك مقدره وجرعه
لا جذب ولا جامل الك حتى الخصم يشهد

السلام عليكم ورحمة الله وبركاته

مشكور يابن العم الاستاذ سيف سدخان وما تقصر
ورحمة الله الله على شاعرنا لسان قبيلة البوسلطان الشاعر عبدالله الدفار ورحم الله امواتنا وامواتكم أجمعين

والسلام عليكم ورحمة الله وبركاته

جميل جدا استاذ ولو احيانا مااعرف بعض المفردات لكن عندي عتب الشاعر كتاب قائد السلطاني ما اله ذكر في الموقع وهو شاعر معروف وحسب معلوماتي من دخول الاحتلال لا يكتب الا للعراق واعطى ابن شهيد قاتل ضد القوات المحتله

كلمات جميلة شكراً لك شيخنا
http://www.7nan.com/vb/imgcache/2/22428alsh3er.gif