ساكت ياوطن والحركَه تاكل بيك

ساكت ياوطن والحركَه تاكل بيك
لو خايف أظن والسكته من خوفك

من حرب الحرب جبنه العمر وياك
من اكل الجثث ما ينترس جوفك

مابيك الذنب كَول الذنب وين
يمكن نعتذر لو نفهم ظروفك

تقبل ياوطن يرضيك هذا الحال
ناسك للأسف تتراكض تعوفك

وتقبل ياوطن شبانك الحلوين
تتغرب غصب تحرمهه من شوفك

جاوب لا تظل ساكت يبو الثورات
عشرينك أمس اتعيش بطيوفك

من طور الحزن ملينه ما مليت
وطور الفرح ما تعزف دفوفك

من ريد الفرح بس كون ريدك سيف
موعيب بغمد اتنام اسيوفك

بايكَ ما صرت ما خاف من جلاد
مو هذا شعارك هذا معزوفك

چاشنهو التغير يا عراق شبيك
مو چانت دول ما تنطق حروفك

نعتب ياوطن من حبنه الك والله
شفناكم نهر عطشانه جروفك

ومن نصحك لأن صدكَنه كلنه اخطاء
يا بيت الكرم نبقه احنه ضيوفك

أصفن ويه نفسك راح تعرف زين
لو ما تنتفض چاضاع معروفك

عذراً يا وطن بس ثور حتى نثور
لو تكَضي العمر بالقيد چفوفك

صح لسانك ابن العم الغالي احمد هادي

شكرا لك أخي الكريم قصيده جميله تحياتي لكـ

اشكر مروركم الرائع واتمنى لكم الابداع

أجــمل وأرق باقات ورود

لكلماتك الجميلةhttp://www.lakii.com/img/free/Dec11/fA5fxbY7pIv.gif

مشكور على هذه الكلمات اخ احمد

شكرا لمروكم الكريم يا اعمامي الاعزاء