قصيدة للشاعر محمد بن فطيس
،؛،.. الــبـارحـــة ..،؛،
البارحة ربي كتب لي ومريت ..
..دربٍ عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
ياليتني في لفة الدرب زليت ..
.. كان العيون من الدموع استباحت
التم غيم الدمع من يوم لفيت ..
.. وورقا القصيد لشوفة الغيم ناحت
وضحكت ماأبغي الناس تدري يبالفيت ..
.. لكنها غصبٍ على العين ساحت
حارت دموعي في عيوني وصديت ..
.. وأرمشت مابيها تبين .. وطاحت
وعقبه برق في العين براق .. واسقيت ..
.. خدي ووناتي بصدري تلاحت
وأنا أحسب إني في فراقه تشافيت ..
.. وان عبرتي من مدخل الزاد زاحت
اللي يحسب إني على البعد سجيت ..
.. والا ان عيوني للرقاد استباحت
ياليتني من قبل لا أحبه اقفيت ..
.. والا ان دروبي عن دروبه تناحت
أهون علي من البكا والتناهيت ..
.. وأشلا من سدودٍ على الناس باحت
عرفت كيف الحي يفرق عن الميت ..
.. وعرفت قيمة نعمتي يوم راحت
قولوله اني عقب بعده تدانيت ..
.. ورجلي عن دروب المعافين شاحت
البعد نار وطاعة العذل كبريت ..
.. يقصر على بعده .. ترى الكبد فاحت
رد: قصيدة للشاعر محمد بن فطيس
البارحة ربي كتب لي ومريت ..
..دربٍ عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
حيا الله ابو عمر قصيدة رائعة
رد: قصيدة للشاعر محمد بن فطيس
حيا الله ابن العم أبو هزاع
رد: قصيدة للشاعر محمد بن فطيس
قصيدة أخرى للشاعر الخلوق بن فطيس:
في كفها خاتم وفي خدها خال ..
.. وفي عينها غيم وعمارات وبيوت
الخال شفته واضحٍ من ورى الشال ..
.. والخاتم الماس مرصع بياقوت
والعمر في العشرين كني مانيب زال ..
.. والجسم كنه من جبل ثلج منحوت
جبل ولكن لا طرقه الهوى مال ..
.. وخطواتها ماهي بالأمتار بالفوت
ماهي تشوف الشمس من ظل الاظلال ..
.. ومصيافها ما بين لندن وبيروت
الشمس لو تشرق على جسمها سال ..
.. كنها مجسم محلبيه وبسكوت
ومن صغر مبسمها شقى حالها الحال ..
.. ما تاكل الا اللوز والخوخ والتوت
ماهي تشوف الناس تمشي وتختال ..
.. ومرٍ على جاكور ومرٍ على حوت
وخدامتين وهي بلا زوج وعيال ..
.. وسمعتها تدعي الدريول يياقوت
وثلاث جوالات ماهو جوال ..
.. ومن يوم خلقت كل شيٍ بريموت
لكن قلبي مالها فيه مثقال ..
.. وش قرب البشت الحساوي من الكوت
ياجعلها للي خذت قلبي نعال ..
.. اللي غلاها عندي الشرب والقوت
حوريةٍ من فوقها الليل شلال ..
.. كنها صبحٍ فوقها الليل مكتوت
قلبي لها من كثرة الشوق مشخال ..
.. وللسر عن كل المخاليق تابوت
تنحت لي من الحب في القلب تمثال ..
.. وحبي لها ينحت على الساحه بيوت
في عينها ماكل رجال رجال ..
.. وأقصى حدود الوصل في سلمها الصوت
زودٍ على القلب وعلى الحسن من آل ..
.. روسٍ لهم روسٍ على متونها بشووت
الى رضت موتوا يا أهل روس الأموال ..
.. وإلى زعلت جربت وش سكرة الموت
من دونها رجلي وراكب وخيال ..
.. والسيف والأمواج والبحر والحوت
رد: قصيدة للشاعر محمد بن فطيس
حوريةٍ من فوقها الليل شلال ..
.. كنها صبحٍ فوقها الليل مكتوت
وصف رائع تسلم يمينك ...........
رد: قصيدة للشاعر محمد بن فطيس
سلمك الله أبو مخلد أهلا بمرورك العطر
رد: قصيدة للشاعر محمد بن فطيس
رد: قصيدة للشاعر محمد بن فطيس
أهلا ابن الاخت الغالي خالد أبو وليد
رد: قصيدة للشاعر محمد بن فطيس
يا ضايق الصدر بالله وسع الخاطر
دنياك يازين ما تستاهل الضيقة
الله على ما يفرج كربتك قادر
والله له حكم في دبرة مخاليقه
رد: قصيدة للشاعر محمد بن فطيس
حيالله خالي أبو عمر مشكور على هذه القصيدة