هوسات مهداة للاخ ابو سند والاخ المدير العام
ابو سند وعلي الجريان ذولا ربات الكلايف لو حمى الميدان
ذولا الغوجهم سباك ذولا الساس والبنيان
روح وجلب التاريخ تلكة الثاية والعنوان
وياكم والله وياكم ساس وية الماسوس
.................................................. .........
وياكم احنا الساس والماسوس واحد ما يصير اثنين
والكم ويانة وكفات ونوفي نريد هذا الدين
وتظل عيونا تنطر شوفتكم ياماي العين
شرناها ورادت شوفتكم
.................................................. .......
شوفتكم تريد العين لان الشوك اذاها
تدعي الكم بالستر كل يوم تنخى لربها ونباها
هاي الخوة خوتكم عظيمة وهاي معناها
معناها ثابت خوتكم
.................................................. .....
الخوة عند بعض الناس مثل الجزر والمد
وياخوتكم تراها الفيض الابد ما ينسد
ياأبو سند ياأبو حسين ارجوك عنها هواي تتنشد
انشد والغير يكلك وياكم راية وراي
.................................................. ...
ابو مخلد
رد: هوسات مهداة للاخ ابو سند والاخ المدير العام
كفو واللة عز اللة مازليت والنعم
رد: هوسات مهداة للاخ ابو سند والاخ المدير العام
الاخوة الكرام وعكال الراس الشيخ ابو مخلد والشيخ علي آل منشد
أجد قلمي عاجز ولن يوفي بحقكم يا أصحاب المواقف الكريمة من الشيخ سد خان والشيخ حبيب الغزي
لو زهت الدنيا ما يكضها عنان
أنصحك لاتعوف الرحم والخوان
ذوله أبو مخلد وأبن منشد هم حزام ظهرك من يثور الدان
تلوك عليه اليجمع شمله
تلوك عليه اليجمه شمله
.................................................. ..................................
ماله الرجل لو ما عمامه كل قدر ماله
اشما كثرة كشخته أو ما كثر ماله
شي فيد المال من تدنه المنيه
ها ها الخوه تريد معاون بالدم والمال الخوه تريد معاون
رد: هوسات مهداة للاخ ابو سند والاخ المدير العام
أهداء الى الشيخ سيف السدخان
أنا إن شدى بك مزهري فلأنك
اللحن المحبب والنشيد الأروع
ولأن أهدافاً توحد أو دماً
غمر العروق قرابة لا تقطع
فابعث بروح منك في تلعاتنا
لترف مجدبة، ويورق بلقع
لسنا بمعهود على أبعادنا
يبس، فدنيانا الربيع الممرع
أي الكرائم ليس في أعناقها
مما نسجناه العقود اللمع
أم أي وضاء وليس بجنذره
قبس لنا يجلو الظلام مشعشع
سدنا فما ساد الشعوب حضارة
أسمىء ولا خلق أعف وأروع
رد: هوسات مهداة للاخ ابو سند والاخ المدير العام
انحني اجلالا وتقديرا لكم اخوتي الاعزاء واعتبر كل ما أقوله قليل بحقكم فانتم اهل لها ....
رد: هوسات مهداة للاخ ابو سند والاخ المدير العام
الى الشيخ سيف السدخان
بن عمي العزيز يعجز لساني عن شكرك
و هذ شي مو جديد عليكم كلكم خير و بركة من طيب اصلكم
و ماعليكم زود
رد: هوسات مهداة للاخ ابو سند والاخ المدير العام
مشاء الله الجموع تهز الكاع كواكم الله وبوركتم
رد: هوسات مهداة للاخ ابو سند والاخ المدير العام
الله يحفضكم اخ فهد ال حبيب والاخ راشد ال حبيب......كفو منكم