افرح يا وطن
أفرح ياوطن لجلك يهون الراح
وبلمة أهلنا يطيبن أجروحك
شد جراحك يا غاتي وانت الجراح
وشحده اللي ضدك يوصل أصروحك
يل حبك بحر وانا بحبك يا وطن سباح
وأهلي بالوطن أمواجك وموحك
أنهض يا جبل يل قمتك بغداد
وسامرا ورمادي وموصل سفوحك
والجنوب الك درقه ودرع حراس
لليضدك صعب يدنه ويلوحك
وبابل والنجف والكوفه لك تاريخ
وانت مزين التاريخ باسمك ولوحك
أنت الوطن كعبه وحبك الي محراب
والروح الك فدوة والعمر لعيونك وروحك
وأهلي بالرمادي وعزوتي بذي قار
يهمن بالوطن وينوحن لنوحك
جسد واحد نصير وللوطن نفديه
عدنه انت الوطن قلعه وعاليه سطوحك
يل بيك المجد والهيبه الك عنوان
وأنت من المجد ما يخلى أبد سوحك
وبوحدة وطنا نصير كلنا أخوان
وبلمة أهلنا نداوي اجروحك
قصيدة الشاعر علي الغزي عن العراق
