اساتذتي الا فاضل دعوني اقص عليكم هذه القصه في يوم من الايام كنت احد اعضاء جمعية الشعراء الشعبين فرع بابل
في عهد كان فيه الرفيق علي النداوي رئيسا لجمعيه الشعراء الشعبيين كانت الجمعيه قد استضافت جمعية شعراء شعبيين كربلاء وكانت الامسيه ان يقراء شاعر من كربلاء وشاعر من بابل وفعلا بدأت الامسيه وكان لشعراء كربلاء الدور الكبير بحيث سيطروا على الامسيه بقصائدهم الرائعه وللاسف كان شعراء بابل والذين اختارهم علي النداوي اضعف من يشاركوا بهكذا امسيه حتى ان اغلب شعراء بابل اعتذروا عن القراءه مما حدى برئيس جمعيه شعراء كربلاء ان يقول بصريح العباره لو كنت اعلم بان شعرائكم بهذه الصوره لما حضرنا الامسيه كان الموقف اصعب من ان يحتمل فقال رئيس جمعيه شعراء كربلاء مسك الختام شكرا لشعراء بابل والله كان الموقف لايحتمل حقا فهاجت كما يقولون الغيره السلطانيه فصرخت باعلى صوتي مسك الختام عماد السلطاني وقدمت نفسي وتقدمت الى المنصه وقرات قصيدتي مما جعل رئيس شعراء كربلاء يرتقي المنصه ليعلن بالنص (شكرا للسلطاني والله الشعر الك ولهلك والله ونعم من البو سلطان اليوم الامسيه اسميها الامسيه السلطانيه فقد رفع رؤوسكم السلطاني ) ودعانا الى كربلاء وقال بالحرف الواحد (نحن ندعوكم الى كربلاء لاقامه امسيه على شرف الشاعر عماد السلطاني) الامر الذي ازعج على النداوي وقرر فصلي من الجمعبه بحجة انني تجاوزت النظام المعمول به واستدعيت من قبل فرع بابل للحزب على اني تجاوزت على علي النداوي ومنعوني من الذهاب الى كربلاء ولكني ذهبت الى كربلاء واشاد اغلب الشعراء منهم الشاعر الكبير جابر عبود الهنداوي والشاعر الاستاذ عادل عرداوي والشاعر الكبير المرحوم محمد الغريب المهم انشر قصيدتي الان وللقصه بقيه
مع قصيدة مضيف الشعر
**********
القصيده
تعنيتك بسجه اتضيع بيها ادموع المسافر
تطشرني والم روحي اكوطر والوعد باجر
دليلي بسجتك غيمه يبعثرها الهوى معاند واكضن خيطها من اخر
بالمعالج وصلت لخاطر المكسو ضنيتك جريم وتجبر الخاطر
حسبتك مثل الاول عينك ربيه ولعد درب اليجيب الحبك اتناطر
لكيتك موش ذاك انته ولا ضل اعله الاول كلبك الطاهر
لكيتك حاضن الشمات وبروح الكلت والكال ياخلي تغرب بيه واتحادر
واجيتك صيده عميه لحضن نتاله
الشبوط اليكيش الطافح بذيله تعنه اعله الشبج عنوه يدور العافيه بجاله
المضيف الفارش جفوفه لجدم الجاي اجاك مشكبن دلاله
كلت بيك الرجه اتكوم وتزيح الظيم وانت التعرف الحاله
لن ايد التزيح الظيم هيه الصارت اعله الظيم جياله
انهجم بيت الزمان الخله الكحيله السبوك التسبك الحافر تهم تنخه اعله الخياله
وانهجم بيت الزمان اليشل جف حاتم يكمط اشباب بيته اشباك بحباله
وانهجم بيته التدور الرحه بجفوفه ويرد عوز اعله السحاله
وانهجم بيته اليحش العنبر بجفه ويحير بلكمة عياله
وانهجم بيت الكبار البيه جي عفتك ثمر مطروح بسلاله
اجيتك هسه من تالي اريد الحك عالوشاله
لكيتك فوك سطح الفوك شيجيبه عليك العثرته اذياله
ورديت بطريج الجابني مهظوم والناس البعيده اتصيح هنياله
انه شكل للوادم احتاريت وهم للنشد بطاله
اكلهم لو انام اعله الجرح لو انسه من ولفي لجن شنسه جرح جرحين شنساله
اهو العينه توجد الدرب شيجيبه اعله حفر الذيب وشماله
معقوله اخو المجتول يمسح سيف جتاله
معقوله السمج بطران يرضع شاخة الفاله
معقوله اشوفن جوري يبن الناس ورد من كلب تاله
معقوله الابو يا صاحب الطيبات محروم وعلي من شوفة اطفاله
عوفه لجلد نمرك يا عزيز الروح ردت واتحنبط الكاله
اهي جلمه وارد غطاها انه وياك لاامرك بعد لاتندك بتيلي ترا سيامي يبعد الروح نتاله
ترا سيامي يبعد الروح نتاله