يا لله يا عالم خفاي و بياني * سنّع غشيما كنه اليوم منجوم
خليت داري يوم شان الزماني * لديار قوم وحاربت عيني النوم
متنصيا ديرة طوال اليماني * زحول الفضول اللي كما دولة الروم
نصيت شيخا يوم جيته عطاني * ما قال تصبر مني الصبح و اليوم
عطيته جتني و أنا في مكاني * جتني وأنا في مقعدي قبل ما قوم
شيخا يماريبه قصير اللساني * وحتى النساء من هيبته تنقل الزوم
شيخا على طول القسى و اللياني * مقصابته ما فترت دايم الدوم
شيخا يشادي النادر الصيرماني * ما طاح بين يديه ما هو بمحروم
شيخا ظهر مثل القمر يوم باني * عيال الحمايل كنهم غيره نجوم
مثل الفهد ممشاه زرجا بياني * نقي عرض ومن هوى النفس محروم
يا نازل الساح لعلك معاني * فرطت مالك بين الاصحاب و القوم