فهيم الكوم عكل بلا جيل حلو منفوض الندى تفصيل شد
عالزمان الصابني باكصى الدليل صابني ما صاب واحد بالشدد
صابني من هموم صارلي شعيل خلف واحد صار ما بينه سدد
وكف شيطانها ولا عنها يميل حط بيها جنون وادعاها بدد
ياما تجمعنا على امر ثجيل وياما ذبحنا جموع ما تحصى عدد
وياما بجت نسوانها واتصيح ويل وياما اخذنا رجالها كود العبد
وياما اخذنا ديارها والها عويل وياما هدمنا اجلعها وراحت مرد
اليوم صاير بيها كثرت نشيل وما من شيوخ يروفون السدد
والله كلبي ما نكل يمك غليل لا والذي رافع سماه بلا عمد
يشبهونك مثل حاتم لك مثيل ومنهل الماهود يشبع من ورد
معزِب الخطار بسنين المحيل يفداك كل من صك بابه من البلد
منسب ما بين عامر والجحيل وما شبيبك تدعي وعاد وبعد
يكرهك لو جاك بزعوبه صهيل لو تجي لحصن الروم لو عسكر كرد
يتلاه مزن من رعيدصاح حيل ليا تراكم وطرها وذبت برد
نسوانا عين على نوم الذليل ولا يطب ارباعنا اللي شرد
من تجيك من الجبيل جموع سيل احنا اللي نردها وغيرنا محد يرد
احنا الذي ناخذ الحيف من الجبيل مركبات كلوبنا تفصيل صد
خلاف زاوانا على جدع الشليل وصايد الصياد من يوم انولد
ما تضمنا ليوم منهل من يعيل من تجيك جموعنا والخيل كد
دوك اخذ فنجان يا مسكور هيل ومن تشم الريح بيه تكول ند
وهذه القصيده البليغه يدعو فيها الشاعر مهجج السلطاني امير زبيد الى نبذ القتال ويذكره باننا قبيله واحده واننا يجب ان نتكاتف ضد عدونا .والعدو الصريح في تلك الفتره لامارة زبيد هو الامير منهل الماهود امير المتفج .كذلك يذكره بايام طويله قاتل فيها البو سلطان الى جانب زبيد وقدموا الرجال والمال لذلك .كما يثني الشاعر السلطاني على الامير سمرمد لكرمه وشجاعته وحلمه ..........ارجو انني لم اطل عليكم واتمنى لكم التوفيق......اخوكم المحامي سيف ال سدخان السلطاني
تنويه......سوف اكتب لكم عن قريب القصيده التي رد بها امير زبيد على الشاعرمهجج السلطاني.........