هذه ابيات أبوذيه كتبها الشاعر المرحوم هادي جباره الحلي للشيخ عائد فاضل الخلفه الحسن بتأريخ 27- 11- 1991

الك نظرات من تعمل بعايد
اويدر ابخير مشروعك بعايد
الفخر متنومس اويهتف بعايد
سليل اهل الوفه والأريحيه
_________________
الفخر جدامه ظل يهتف وخلفه
اوعايد من نسل فاضل وخلفه
حموله واتركوا سمعه وخلفه
غمرها الطيب ما بين البريه
_________________
بدر جنك تلوح اصفيت بسماك
او على اشفافك نشاهد دوم بسماك
مجد اهلك يعايد عاد بسماك
او حييت ايامهم ذيج الزهيه
_________________

الحاج هادي جباره الحلي 27- 11- 1991

هذه القصيده كتبها الشاعر المرحوم هادي جابره الحلي الى الشيخ عائد فاضل خلفه الحسن السلطاني الزبيدي وهي بعنوان : عريق النسب بتأريخ 12- 6 - 1991


اجاويد اوبديهم تسهل الكلفه اهل شيمه اومفاخر من نسل خلفه
___________
راعي الفضل فاضل ذاك والدهم شبل خلفه الحسن والنعم من عدهم
امن الوالد عريق النسب ومن امهم هذا النسب اصبح ذهب المصفه
___________
ذهب تيزاب صافي طلع واحدهم نشامه والمفاخر اجت من جدهم
اونسب سيد الرسل من امهم ايردهم اونسب امهم جساهم هاي هالعفه
____________
خلفه الحسن نعم الخلف خلفتهم وابو عايد رفع عالي فضيلتهم
او عايد واخوته يا محله سيرتهم ما بين الخلك والزين ما يخفه
____________

سيرتهم الحلوه محد ايذمها خصوص اللي لمسها او كام يفهمها
المنخل ما يغطي الشمس وايضمها اوهذا المثل كل الوادم اتعرفه
______________
اصيل النبت حته بالصبخه يربه الفخر للأصل يرجع موش للتربه
او نبتتهم اصيله عود والمعربه رفيعه اوعلى امتون المجد ملتفه
_______________
نبتتهم اصيله اوعودها امعرب او من طيب الأصل للفرع يتسرب
او عايد هم عفيف النفس وامجرب وابطيبه لساني يعجز ابوصفه
________________
عطر طيبه اليشمه ايعجز باوصافه والمنصف يخاف ايغرك بانصافه
بسمة خير عنده اتلوح بشفافه اوهالبسمه طبعها الخير عالشفه
_______________
بيوت اهل الفخر عالمجد مرتفعه بهاليها زهيه جانت او وسعه
اجاويد اهلها او بيها منجمعه وجوه الخير واعله الخير مصطفه
_______________
حموله والفخر اصبح يراودهم غرسو طيب واضحه الطيب عايدهم
او ذاك الطيب منه ظهر عايدهم خليفتهم اوهوه لازم الدفه
________________
عايد واخوته الطيبين رفعة راس ارتدو ثوب الفضيله او جسبو النوماس
لجل سمعة اهلهم اوجبو حراس والشيخه لزمها عايد ابجفه
________________
خليفه الهله اوكل النعم من عنده اوبعد هيهات احد يوصل الحده
العشيره هاي كلها كامت اتوده عهد انطه اعله نفسه او بالعهد وفه
_________________

الحاج هادي جباره الحلي
12 / 6 / 1991
__________________________________________________ ___________________