كلطت سبع ارجاب محيلات موكنات ما لبط بيهن جلين
وربعن برياض كفر الموسمات ولا دنن دارن ولا شربن عطين
وبضهورهن غلمان ما دانو ردات لكل منهم عالشدايد ملتكين
ونحروهن على دروب المعسرات تكول ريم ٍجفلوه الكانصين
يشبه الغيم النزل فوك الوطاة وربعن بارضه وحوش التايهين
والبدر لو شك بان له ضواة والكواكب حاليتله من يبين
ولا لكيت بحور تروي الضاميات ولا لكيت رياض تحيي البايدين
عكب وادي من يكود المزمنات وجدك بنى بيوت الهالكين
يامحفوظً بيك من راي الابهات ولا تشاور جاهل ٍكلبه ثخين
ولا تضن ان اللي يحاجونك رواة ولا تمشي بطنا الشمر اللعين
وروف حضك من حجايا المعطنات ولا رضى ربك بذبح المسلمين
احنا عشيره وبينا صاير شتات واخذ من عكلك وارض بين الاثنين
ولا تخلي الصفحتين مجدمات بالمضره يفرحون الشامتين
بالك ادك ذيله وراسه بالحياة ولاتضيع حكوك من بعض السنين
يطعنونك لو حصل بيك الهواة وهاي بيهم للجدود المغبرين
والفنون عز بيض محصنات سور عالي ما رموه الراميين
صلبوا مناتهم يوم الوغاة وضمهم لبعض الوكت يوفون دين
مزنه ورعيده تهز الوطاة وطلها يطلي بيوت الباينين
ان جان من كبلي تعدلك صفاة هاي سابج للجدود الماضيين
وهذي هديتي واصلتكم يا مناة يامهيل للضيوف الساريين
واليهدي بكه يرادله جزاة وانت عارف لا نشور الغانيين
وخاتم صلاتي على النبي بكثر الوطاة يشفعنا بيوم نغدي موزرين