هذه القصيده للشاعر ملا عبد الله الدفار في احدى مناسبات البو سلطان...
الكيان اليوصف التاريخ ويطرزونه العرب بالجود
انتم منبعه الاول وعليه اسم البو سلطان شهود
عليه اسم البو سلطان شهود وانتم ساس للبنيان
السماحه انتم بنيتوها وحجت ببنودها الركبان
مو باطل حجي التاريخ هذاكه السجله سدخان
واخوته المشوا وياه ومنهم للشرف عبود
وانتم فرع من ذولاك وفرع الغانمات ضلال
للطارش وللدراب وحدرها يمرح الخيال
ملفاها بهجير الصيف حموله والبخت ينكال
ستر القدًر الله عليه وهذا المنكم المريود
هذا المنكم المريود وهذا الواجب اليراد
تخيطون الشكوك اكبار بكل ادوارها تنعاد
من الخابور للبصره الكم كل حجي ينكاد
شما عرضت شما طالت تسوون لحجيها حدود
تسوون لحجيها حدود وعزمكم للحروف نكاط
وشفنا جود كل الناس والكم جود بيه يحتاط
شمسهلكم على السهلين شمثكلكم من يصير زماط
شما جف الكرم تبدون عليها وتردون اردود
تردون الجزاله اردود ومنكم روسها تنشال
على العفرين تتبادون وتضحون الزلم والمال
الشاهد هاي جمعتكم ومثلها ساردين امثال
وعليكم ستر هذا البيت وهذا السيد الموجود
العنوان : قصائد من تاريخ قبيلة البو سلطان
رد مع اقتباس
