السلام عليكم ورحمة الله وبركاته
الشيخ فريق مزعل
( لايصح الاّ الصحيح )
احجي احجي اشماتريد لا يصح الاّ الصحيح
وابقه ثابت واقهر الدنيه بشموخك
اشما تهب الريح واتزيد العواصف ماتطيح
لاتطخ الراس للماعرف قدرك
وكابر اعله جروح كَلبك والعدوك لاتصيح
الدنيه كلهه هموم صارت عاده بيهه
اطوي الهموم بسكوتك واستريح
الخوّه مثل الزرع من خافوره بيّن
خير ويغيّر احوالك لو يظل يابس شحيح
الخوّه هيه حزام ظهرك يوم ضيجك
موش ريشه بوسط ريح
والصديق يصير اخوك ويوفي الك
بس كون وياه صادق انته وظل صريح
جربه بايام المحن واعرف صديقك
ولايصح الاّ الصحيح