قصيدة اطلال على حربية رشيد للشاعر ملا عبد الله السلطاني

[المحامي سيف ال سدخان]

بيه كلب السلف يضمد وبيه تشتد محاملها
وردت من ضهر سلطان روح انشد روايه الها
كل الغانمه لناجي يطلبها ويحصلها


يخوف لو زعل واغضب بوسط شيابها موًلد
.............

بوسط شيابها مولد عمامه قوته وعزمه
البيها يفتخر ناجي وهيه تفتخر باسمه
الشاهد يوم الحنيه صار طرادها بضلمه


وبالمره الراد موزتهم تعده البخت واتعمد
...................

تعده البخت واتعمد بالحنيه جنب جابوه
عمامي بليلة الضلمه بضهور الدهم وصلوه
ظل بيها المثل مضروب هرشه من الاصل كصوه


اسم زبيد ظل بيها جيلٍ جيل يتمجد
................

جيلٍ جيل يتمجد بالتاريخ فعلكم نشكر اثاره
لاجن للاسف لاجن الليالي دايره بداره
غزرتنا بابو حاتم بيه الما بعد جاره


خل يمن وعينه تنام خلافه عامر المسند
..................

[ادارة الموقع]

العليه مو هزه او تركب عليها
ابو مخلد العليه أبوك أو جدك الركب عليها
العليه اتريد الفارس مايركبها المو خيال
العليه اتريد الفارس مايركبها الوخيال

وسلامتكم

[المحامي سيف ال سدخان]

العليه موش شروه وتشترى من السوك
لجن بالسيف تحصل كوه فرك حلوك
وانه اعرفك ياابو حسين انت خياط للمشكوك

ها العفره موش اطلًب مايركاها المو صاعود

...........
العليه يابو حسين يالهزاع ياابوسند
العليه موش مهره ونركب عليها
ولا كل من صعدها صار راعيها
العليه تريد سيف وصحن وتكثر الهله بيها

ها العارف ما يتعرف انتم اهل الزود
العارف ما يتعرف انتم اهل الزود

[ادارة الموقع]

صح السانك يأبن العم
انتم أهلها وزود والنعم من أولاد العم
حياك يأبن العم وتعيش وتسلم على هذه الكلمات لما فيها من معاني ثمينه للاخوه

[المحامي سيف ال سدخان]

ارد انخاكم اهل الزود اذبها لو اخليها
الهوسه الما تشد ميدان يضل خجلان راعيها
ها احنا اهل الهوسه العارف ما يتعرف

...................

[ادارة الموقع]

يابو مخلد انت أبوها او انت صاحب الطيبات
يابو مخلد ياسيف خلفات هالعليات
يابن سد خان يا خلفات هالعليات يا خلفات هالعليات
تهدم عالسناكر والتفك رديات
يابن سد خان أريدك على علومك لو كلت المحيبس بات
علومك فوك الغيم علومك
ماتنضم الشك حيلاه علومك فوك الغيم علومك

[الشيخ ابوسند حيدر الفاضل]

الكلافه والكرم والجود والطيبات
لابن سدخان هذني من زمان الفات
إله بيها وكفات طيبه وبيها مشهودات

ها ها مشهودة بحاله ها مشهودة بحاله
إسئل والطيب إيسولف

أخوكم أبوسند

[المحامي سيف ال سدخان]

ولد عمي ابو سند وعلي الجريان اقول لكم...
ابن عمك سيف المجرب وابن عمك دوم راعي الويد
وراعي الغانمه هوه ودوم الشوف عنده بعيد
حسابه للوكت محسوب وحساب لوكتنا نريد


شتامر كول شتامر هذا البيرغ والناطور
شتامر كول شتامر