هوسات من تاريخ قبيلة البو سلطان

[المحامي سيف ال سدخان]

هذه الهوسات للملا عبد الله الدفار المهجج السلطاني

ياابو منذور ابو زيدان سيف الكون بيه يشتد
تريد تغلب الشمات وبين دروبكم تبعد
نكيصتهم تره تنكصك وتزيد بزودهم وتمد

من شان الطيب حجي الطيب يثر بيه
"""""""""""""
يابو منذور شد عزمك وثوب اللوم لاتلبس
وادري بك كلب رجال وادري من الحجي تحتس
بذولا تدير كل وكتك واتفرها فرت المحبس

وبكيفك والله بكيفك هذاالبيناه
""""""""""""""
هذي افلاك دنيا والفلاك ادير
لازم يوم قوتك بالبطاقه يصير
روح وجلب التاريخ بيه تفسير

تمعن بالتاريخ تمعن تلكه لهاي علوم
"""""""""""""""
اريد احجي وأودي من الحجي لخرشيد
ياكانوص المعالي يالتريد تصيد
شاور راي اخوك وراي اخوك يفيد

شما يطويها انطيهياه وجر الزايد منها

"""""""""""""


وانشاء الله سارسل لكم المزيد من هذه الهوسات

[ادارة الموقع]

تسلم يا سيف على هذه الهوسات
كل واحدة منها هي حكمة لم يريد ان يلتهم من هذه الدروس البليغه

سؤالي يا سيف هل تعرف من ابناء المله عبدالله الدفار؟

مع الشكر

[سالم الهزاع]

والله والنعم من هالهوسات الحلوة منبع الاصاله والطيب
والنعم من عبدالله الدفار وصل صيته لكل العراق من الوسط الى الجنوب حتى الشمال

اشكرك يا أبن عمي الاصيل و أذا أمكن المزيد من هذه الهوسات لان كل اخوانك ولد عمك يقروها وانت والله أتحفتنا بمشاركاتك الطيبه والتي بها نستذكر طيب وأصالة وتراث أهلنا واجدادنا الطيبين.
اتقدم لك بالشكر متمنيا لك التوفيق والنجاح

[المحامي سيف ال سدخان]

اشكركم سادتي الاعزاء على هذا الاطراء ..والاصاله والطيب هي تنبع منكم ومن اجدادكم
الذين بنوا مجد هذه القبيله..
اما بخصوص اولاد الملا عبدالله الدفارالمهجج فهم سلام وجمال ويسكنون في مدينة الحمزه الغربي في الحي العسكري وهم ساروا على نهج اباءهم في احتراف الشعر والهوسات وهم الان وبلا مبالغه مهاويل البو سلطان وبالذات سلام العبد الله الدفار.

[سالم الهزاع]

يابن سدخان يا شبل يأبن الاسد المحد عادله
الشيمه والجود بيكم طبع محد كدر عادله
واحكامكم عالبشر مو ظالمه عادله
الله شمحلى الكرم عند المراجل سما
معروف بين العرب صيت اهلكم للسما
محتار شهدي لكم انواط لو اوسمه
ياسدخان حبك نبت بالقلب من الصغر عاده له

[ادارة الموقع]

السلام عليكم ورحمة الله وبركاته

الاخ ابو مخلد ذكر وتعريف شخصية ابو منذور وابو زيدان
مع جزيل الشكر

تقبل تحياتي

[خليل الجبوري]

شما يطويها انطيهياه وجر الزايد منها

...............
ونعم منكم يالبوسلطان

[المحامي سيف ال سدخان]

الاخ العزيز المدير العام لمنتدى قبيلة البو سلطان...
ان ابو منذور الذي ورد اسمه في الهوسه اعلاه هو الشيخ مطلك الظاهر .اما ابو زيدان فهو خليف العبد علي وهم من البو طيف .......مع امتناني لك وفائق تقديري

اخوك ابو مخلد

[المحامي سيف ال سدخان]

الاخ خليل الجبوري ممتن لك لمرورك وزدت الصفحه اشراقا..

[ادارة الموقع]

والنعم والثلث تنعام من البوطيف والنعم من الشيخ مطلك الظاهر
والنعم من الشيخ خليف العبد علي السبع
رحمهم الله جميعا وأسكنهم فسيح جناته