ياابو برهي تره الدنيا ماهمت لعارفها
الصلب بالنايبه المثلك بخير وشر يصادفها
بخير وشر يصادفها وشفت ايامها المرت
شكثر ناس الحدت بيها وعليها السانيه افترت
وكبلك بجت شجم عين وشفتها شجم كلب سرت
هاي بطيت التاريخ تذكار وسوالفها
سوالف للبشر تذكار بين الناس معروفه
واخذ عبره بيوم حسين ويه اخوه الطاحت اجفوفه
غير الواحد وسبعين البقتله حايفها
حايف للشرف تذكار طلايع غاليه للجود
الاحسن مني ومنك واحسن جملة الموجود
انت والحمد لله عامر للشرف مشهود
وعندك للدهر خوان لو ثكلت كلايفها
عندك حسن للشده ابو ظافر يحل ويشد
وعندك جف ابو حكمت بزوده على الخصم يمتد
وحي موجود حجي حسين طليعه للزلم ينعد
واسم منصور لا تنساه اليمن بيه خايفها
الخايف يمن ويرتاح باسمكم والايام علوم
اطلب رخصة كل عشيرتنا واخص بهاي ابن مضلوم
هذه اللي تره جده بيوم الكون
اخو عليه يشك الخيل ينصفها
العنوان : قصيده للشاعر ملا عبد الله السلطاني يرثي فيها المرحوم كاضم عبيد المجلي السلطاني
رد مع اقتباس
